മുംബൈ : കോവിഡ് രണ്ടാംതരംഗം രൂക്ഷമാകുന്നു. മഹാരാഷ്ട്രയില്‍ ദിനം പ്രതി രോഗികളുടെ വര്‍ദ്ധനവാണ് രേഖപ്പെടുത്തുന്നത്. ഈ ഘട്ടത്തില്‍ ഓക്സിജന് സൗജന്യമായി ആശുപത്രികളില്‍ എത്തിക്കുമെന്ന പ്രഖ്യാപനവുമായി റിലയന്‍സ് ഇന്‍ഡസ്ട്രീസ്. ഇതിനോടകം റിലയന്‍സ് ഇന്‍ഡസ്ട്രീസ് ലിമിറ്റഡ് ഗുജറാത്തിലെ ജാംനഗര്‍ മുതല്‍ മഹാരാഷ്ട്രവരെയുള്ള മേഖലയിലെ ആശുപത്രികളില്‍ സൗജന്യമായി ഓക്സിജന് വിതരണം ആരംഭിച്ചിട്ടുണ്ട്.റിലയന്‍സ് ഉടമസ്ഥതയിലുള്ള റിഫൈനറികളില്‍ നിര്‍മിക്കുന്ന ഓക്‌സിജനാണ് കോവിഡ് ചികിത്സയുള്ള ആശുപത്രികളിലേക്ക് നല്‍കുക.
കോവിഡ് ചികിത്സയുടെ ഭാഗമായി ഓക്സിജന് സിലിണ്ടറുകള്‍ക്ക് വന്‍തോതിലുള്ള ക്ഷാമം നേരിടുന്നതായി റിപ്പോര്‍ട്ടുകളുണ്ടായിരുന്നു. അതിനിടെയാണ് ആശുപത്രികളിലേക്ക് സൗജന്യമായി ഓക്സിജന് എത്തിക്കുമെന്ന പ്രഖ്യാപനവുമായി റിലയന്‍സ് രംഗത്തെത്തിയത്.
പുതിയ വിവരം അനുസരിച്ച്, മെഡിക്കല്‍ ഉപയോഗത്തിന് അനുയോജ്യമായ ഓക്സിജന് സ്ട്രീമുകള്‍ നിര്‍മ്മിച്ച ശേഷം, റിലയന്‍സ് അതിന്റെ പെട്രോളിയം കോക്ക് ഗ്യാസിഫിക്കേഷന്‍ യൂണിറ്റുകള്‍ക്കായി ഉദ്ദേശിച്ചിട്ടുള്ള ചില ഓക്സിജന് സ്ട്രീമുകള്‍ ആശുപത്രികളിലെ ഉപയോഗത്തിനായി നല്‍കും.