ന്യൂഡല്‍ഹി: ഉത്തര്‍പ്രദേശില്‍ യോഗി ആദിത്യനാഥിന്റെ നേതൃത്വത്തിലുള്ള സര്‍ക്കാരിനെ ഇനിയും അധികാരത്തിലെത്തുന്നത് തടയുകയാണ് തങ്ങളുടെ ലക്ഷ്യമെന്ന് എ ഐ എം ഐ എം പ്രസിഡന്റ് അസാദുദീന്‍ ഒവൈസി. ഉത്തര്‍പ്രദേശ് തിരഞ്ഞെടുപ്പില്‍ നൂറ് സീറ്റിലേക്ക് മത്സരിക്കാനുള്ളവരുടെ അപേക്ഷ ക്ഷണിച്ചിട്ടുള്ളതായി കഴിഞ്ഞ ദിവസം പാര്‍ട്ടി സംസ്ഥാന പ്രസിഡന്റ് ഷൗക്കത്ത് അലി അറിയിച്ചിരുന്നു. ഓം പ്രകാശ് രാജ്ഭാറിന് കീഴിലുള്ള ഭഗീദരി സങ്കല്‍പ് മോര്‍ച്ചയുടെ സഖ്യത്തിനു കീഴിലാണ് എഐഎംഐഎം മത്സരിക്കുന്നത്. എന്നാല്‍ ഇതു വരെയായും മത്സരിക്കേണ്ട സീറ്റുകളുടെ കാര്യത്തില്‍ ഇവര്‍ തമ്മില്‍ ഒരു ധാരണയിലെത്തിയിട്ടില്ല.
യു പിയില്‍ ബി ജെ പിയെ തോല്‍പിക്കുക എന്നതാണ് പ്രധാനം. ബി ജെ പിയെ പരാജയപ്പെടുത്തുകയെന്നത് അസാദ്ധ്യമായ കാര്യമാണെന്ന് കരുതുന്നില്ലെന്നും അദ്ദേഹം കൂട്ടിച്ചേര്‍ത്തു.
2021-07-10