ന്യൂഡല്ഹി: രാജ്യത്ത് പുതുക്കിയ വാക്സിന് നയം ഇന്നു മുതല്. വാക്സിന്റെ സംഭരണവും വിതരണവും പൂര്ണ്ണമായും കേന്ദ്രസര്ക്കാര് ഏറ്റെടുത്തുകൊണ്ടായിരിക്കും ഇനി പ്രവര്ത്തനങ്ങള്. ഇതിന്റെ ഭാഗമായി ഇനിമുതല് 18 വയസ്സിന് മുകളിലുള്ളവരുടെ വാക്സിനേഷന് സൗജന്യമായിരിക്കും.
ഇന്ത്യയിലെ വാക്സിനൊപ്പം വിദേശവാക്സിനുകളും എത്തിയ സാഹചര്യത്തില് രാജ്യത്ത് എല്ലായിടത്തും വാക്സിനെത്തുക എന്നത് പ്രധാനകാര്യമാണ്. കേന്ദ്രീകൃത സമ്പ്രദായത്തിലൂടെ മാത്രമേ വിലനിയന്ത്രിക്കാനും വിതരണത്തിലെ സന്തുലിതാവസ്ഥ നിയന്ത്രിക്കാനാകു എന്നും ആരോഗ്യവകുപ്പ് അറിയിച്ചു.