ന്യൂഡല്‍ഹി: വ്യാപകമായ പണം തട്ടിപ്പ് റിപ്പോര്‍ട്ട് ചെയ്തതിനെ തുടര്‍ന്ന് എസ് ബി ഐയുടെ ഡെപ്പോസിറ്റ് മെഷിനായ എഡിഡബ്ല്യുഎംഎസില്‍ നിന്ന് ഇനിയൊരു അറിയിപ്പുണ്ടാകുന്നത് വരെ പണം പിന്‍വലിക്കാന്‍ കഴിയില്ലെന്ന് എസ്ബിഐ. കാരണം കണ്ടെത്തി പരിഹരിക്കാന്‍ ബാങ്ക് ഐ ടി വിഭാഗം ശ്രമം തുടങ്ങി. അതിനിടെ എസ് ബി ഐ വിവിധ ഓണ്‍ലൈന്‍ സേവനങ്ങള്‍ ഇന്ന് തടസപ്പെടും.
അതേസമയം, ഇന്റര്‍നെറ്റ് ലഭ്യമല്ലാത്ത സ്ഥലങ്ങളില്‍ അക്കൗണ്ട് ബാലന്‍സ് പരിശോധിക്കേണ്ടി വന്നാല്‍ നിങ്ങളുടെ രജിസ്റ്റര്‍ ചെയ്ത മൊബൈല്‍ നമ്പറില്‍ നിന്ന് ഒരു എസ്എംഎസ് അയച്ചാല്‍ മതിയാകും. എന്നാല്‍ ഈ എസ്ബിഐ സേവനത്തിനായി നിങ്ങള്‍ ആദ്യം രജിസ്റ്റര്‍ ചെയ്യണം. എസ്ബിഐ അക്കൗണ്ട് ഉടമകള്‍ക്ക് ബാങ്കില്‍ രജിസ്റ്റര്‍ ചെയ്ത മൊബൈല്‍ നമ്പറില്‍ നിന്ന് 09223488888 എന്ന നമ്പറിലേക്ക ‘REG അക്കൗണ്ട് നമ്പര്‍’ എന്ന് എസ്എംഎസ് അയയ്ക്കാം.
ഈ അഭ്യര്‍ത്ഥനയ്ക്ക് ശേഷം, നിങ്ങള്‍ക്ക് ബാങ്കില്‍ നിന്ന് രജിസ്‌ട്രേഷന്‍ സ്ഥിരീകരണ മെസേജ് ലഭിക്കും.അക്കൗണ്ട് ഉടമകള്‍ അവരുടെ രജിസ്റ്റര്‍ ചെയ്ത മൊബൈല്‍ നമ്പറില്‍ നിന്ന് ടോള്‍ഫ്രീ നമ്പറായ 9223766666ലേക്ക് ഒരു മിസ്ഡ് കോള്‍ നല്‍കുക. മിനി സ്റ്റേറ്റ്‌മെന്റ്, ഇ-സ്റ്റേറ്റ്‌മെന്റ് (കഴിഞ്ഞ ആറുമാസം), ഭവനവായ്പ സര്‍ട്ടിഫിക്കറ്റ് സ്റ്റേറ്റ്‌മെന്റ്, വിദ്യാഭ്യാസ വായ്പ സര്‍ട്ടിഫിക്കറ്റ് സ്റ്റേറ്റ്‌മെന്റ്, എടിഎം കോണ്‍ഫിഗറേഷന്‍, എടിഎം പിന്‍ സൃഷ്ടിക്കല്‍, കാര്‍, ഭവന വായ്പ വിശദാംശങ്ങള്‍, സാമൂഹിക സുരക്ഷാ പദ്ധതികള്‍ എന്നിവ ഉള്‍പ്പെടെ നിരവധി ബാങ്ക് സേവനങ്ങള്‍ ലഭിക്കാന്‍ ഒരു മിസ്ഡ് കോള്‍ നല്‍കിയാല്‍ മതി.