മൂന്നാംവര്‍ഷത്തെ ഫീസ് മുന്‍കൂറായി നല്‍കാത്ത വിദ്യാര്‍ത്ഥികളുടെ പഠനം നിഷേധിക്കരുതെന്ന് ഹൈക്കോടതി

On: July 24, 2021

കൊച്ചി: മൂന്നാം വര്‍ഷത്തെ ഫീസ് മുന്‍കൂറായി നല്‍കാത്തതിന്റെ പേരില്‍ ഒരു വിദ്യാര്‍ത്ഥിക്കും പഠനം നിഷേധിക്കരുതെന്ന് ഹൈക്കോടതി നിര്‍ദ്ദേശം. സ്വാശ്രയ മെഡിക്കല്‍ കോളേജുകളിലെ രണ്ടാംവര്‍ഷ എം ബി ബി എസ് വിദ്യാര്‍ത്ഥികളില്‍ നിന്ന് മൂന്നാം വര്‍ഷത്തെ ഫീസ് മുന്‍കൂറായി വാങ്ങുന്നതിനെതിരെ സമര്‍പ്പിച്ച ഹര്‍ജി പരിഗണിച്ചാണ് കോടതിനിര്‍ദ്ദേശം. സര്‍ക്കാരിനും സ്വാശ്രയ മെഡിക്കല്‍ കോളേജ് മാനേജ്മെന്റ് അസോസിയേഷനും ഹൈക്കോടതി നോട്ടീസ് അയച്ചു.

Previous Post: കോഴിക്കോട്ടെ സമാന്തര ടെലിഫോൺ എക്‌സ്‌ചേഞ്ച്; പ്രതിയെ കണ്ടെത്തി പോലീസ്‌

Next Post: ലഡാക്കില്‍ 750 കോടി രൂപ ചിലവില്‍ സര്‍വകലാശാല നിര്‍മിക്കാന്‍ കേന്ദ്ര മന്ത്രിസഭാ യോഗത്തിന്റെ അനുമതി

കനത്ത വെയിലും ചൂടും; സ്വിഫ്റ്റ് ബസുകളിൽ കർട്ടൻ ഘടിപ്പിക്കാൻ കെഎസ്ആർടിസി

തിരുവനന്തപുരം: സ്വിഫ്റ്റ് ബസുകളിൽ കർട്ടൻ ഘടിപ്പിക്കാൻ ആരംഭിച്ച് കെഎസ്ആർടിസി. ആദ്യ ഘട്ടത്തിൽ 75 ബസുകളിലാണ് കർട്ടനുകൾ സ്ഥാപിക്കുക. 151 സ്വിഫ്റ്റ് സൂപ്പർ ഫാസ്റ്റുകളാണുള്ളത്. ശേഷിക്കുന്നവയിലും ഉടൻ കർട്ടനുകൾ ഘടിപ്പിക്കും. പാപ്പനംകോട് സെൻട്രൽ വർക്ക്‌ഷോപ്പിൽ കർട്ടൻ പിടിപ്പിക്കുന്നതിനുള്ള ജോലികൾ ആരംഭിച്ചു. പച്ച, നീല, മഞ്ഞ നിറങ്ങളിലുള്ള തുണികളാണ് ഉപയോഗിക്കുന്നത്. സ്വിഫ്റ്റ് ബസുകളുടെ വശങ്ങളിൽ വലിയ ചില്ലുകളായതിനാൽ പകൽസമയങ്ങളിൽ ശക്തമായ വെയിലേറ്റ് യാത്രക്കാർക്ക് നേരിടുന്ന ബുദ്ധിമുട്ട് പരിഗണിച്ചാണിത്. പരീക്ഷണാടിസ്ഥാനത്തിൽ ഒരു ബസിൽ കർട്ടൻ ഇട്ടിരുന്നു. ഇതു വിജയകരമാണെന്നു കണ്ടതിനെത്തുടർന്നാണ് കൂടുതൽ ബസുകളിലേക്ക് പദ്ധതി വ്യാപിക്കുന്നത്. പുതിയ ബസ് ബോഡി കോഡ് പ്രകാരം ബസുകളുടെ വശങ്ങളിൽ ഷട്ടർ ഉപയോഗിക്കുന്നതിനു വിലക്കുണ്ട്. അതിനാൽ പുതിയ ബസുകളെല്ലാം ഗ്ലാസ് ഘടിപ്പിച്ചാണ് വരുന്നത്. സ്വകാര്യ ബസുകാർ കർട്ടനിട്ടാണ് ഇതിനു പരിഹാരം കാണുന്നത്. ഇതേ രീതിയാണ് കെഎസ്ആർടിസിയും പിന്തുടരാൻ തീരുമാനിച്ചിരിക്കുന്നത്. കടുത്ത വെയിലും ചൂടും കണക്കിലെടുത്താണ് കെഎസ്ആർടിസി സ്വിഫ്റ്റ് ബസുകളിൽ കർട്ടൻ ഘടിപ്പിക്കാൻ തീരുമാനിച്ചത്. രണ്ടാഴ്ച മുൻപാണ് ഇതുസംബന്ധിച്ച തീരുമാനമെടുത്തത്. ഷട്ടറിനുപകരം സ്വിഫ്റ്റ് ബസുകളിൽ മുന്നിലേക്കും പിന്നിലേക്കും നീക്കാവുന്ന ചില്ലുകളാണുള്ളത്. പകൽസമയത്ത് ഇവയിലൂടെ ശക്തമായ വെയിലാണ് ബസിനുള്ളിലേക്ക് വീഴുന്നത്. ഇത് യാത്രക്കാർക്ക് വലിയ ബുദ്ധിമുട്ടാണ് സൃഷ്ടിച്ചിരുന്നത്.
ലോകത്തെ ഏറ്റവും അപകടകാരിയായ ഗുഹ; കിതും ഗുഹയ്‌ക്കെതിരെ മുന്നറിയിപ്പുമായി ശാസ്ത്രലോകം

കെനിയയിലെ എൽഗോൺ നാഷണൽ പാർക്കിലെ കിതും ഗുഹയ്‌ക്കെതിരെ മുന്നറിയിപ്പുമായി ശാസ്ത്രലോകം. ലോകത്തെ ഏറ്റവും അപകടകാരിയായ ഗുഹ എന്നാണ് ഇത് അറിയപ്പെടുന്നത്. ഈ ഗുഹ അടുത്ത മഹാമാരിക്ക് കാരണമായി മാറിയേക്കാമെന്നാണ് പഠനത്തിൽ വ്യക്തമാക്കിയിരിക്കുന്നത്. കിതും ഗുഹയെ കണക്കാക്കുന്നത് മനുഷ്യ ചരിത്രത്തിലെ ഏറ്റവും അപകടകാരിയായ ചില വൈറസുകളുടെ ഉത്ഭവ കേന്ദ്രമായാണ്. എബോള, മാർബർഗ് വൈറസുകൾ ഇവിടെ നിന്നാണ് ആരംഭിച്ചതെന്ന് കരുതുന്നുവെന്നാണ് ശാസ്ത്രലോകം ചൂണ്ടിക്കാട്ടുന്നത്. മാർബർഗ് വൈറസിനെതിരെയാണ് ലോകാരോഗ്യ സംഘടന ( ഡബ്ല്യു.എച്ച്.ഒ) അടക്കം ഇപ്പോൾ മുന്നറിയിപ്പ് നൽകിയിരിക്കുന്നത്. മാർബർഗിന് പകർച്ചവ്യാധി സാദ്ധ്യതയുണ്ടെന്നും ഡബ്ല്യു.എച്ച്.ഒ വിശദമാക്കി. മാർബർഗിന്റെ മരണ നിരക്ക് 88 ശതമാനം വരെയാണ്. എബോളയുമായി ഇതിന് ഏറെ സാമ്യമുണ്ട്. മദ്ധ്യ ആഫ്രിക്കയിൽ വ്യാപകമായി കണ്ടുവരുന്ന പഴംതീനി വവ്വാലുകളാണ് വൈറസിന്റെ ഉറവിടം. ഇവ വഴി മനുഷ്യർക്കിടയിൽ രോഗവ്യാപനം സംഭവിക്കുന്നു. മാർബർഗിന് നിലവിൽ വാക്‌സിനോ പ്രത്യേക മരുന്നോ ഇല്ല. 1980ൽ കിതും ഗുഹയിൽ അന്വേഷണത്തിനെത്തിയ ഒരു ഫ്രഞ്ച് എൻജിനിയർ മാർബർഗ് ബാധിച്ച് മരിച്ചിരുന്നു. ഏഴ് വർഷങ്ങൾക്ക് ശേഷം കുടുംബത്തോടൊപ്പം അവധി ആഘോഷിക്കാനെത്തിയ ഒരു ഡാനിഷ് ബാലനും രോഗത്തിന് ഇരയായി മരണമടഞ്ഞു.ആന, പോത്ത്, പുള്ളിപ്പുലികൾ തുടങ്ങി മേഖലയിലെ വന്യജീവികൾ ഈ ഗുഹയിലെ നിത്യസന്ദർശകരാണ്. 600 അടി താഴ്ചയുള്ള ഈ ഗുഹയിലെ വൈറസ് വാഹകരായ വവ്വാലുകളിൽ നിന്ന് രോഗം വന്യജീവികളിലേക്കും തുടർന്ന് മനുഷ്യരിലേക്കും പടരാമെന്നാണ് ഗവേഷകർ നൽകുന്ന മുന്നറിയിപ്പ്.
യൂണിയൻ ബാങ്കിന്റെ പേരിൽ സൈബർ തട്ടിപ്പ്; മുന്നറിയിപ്പുമായി പോലീസ്

തിരുവനന്തപുരം: സൈബർ തട്ടിപ്പിനെ കുറിച്ച് മുന്നറിയിപ്പ് നൽകി കേരളാ പോലീസ്. ഇ-മെയിൽ മുഖാന്തിരവും സോഷ്യൽ മീഡിയ വഴിയും മറ്റു മാർഗങ്ങളിലൂടെയും ലഭിക്കുന്ന വിശ്വാസയോഗ്യമല്ലാത്ത ലിങ്കുകളിൽ ക്ലിക്ക് ചെയ്യുകയോ ഡൗൺലോഡ് ചെയ്യുകയോ ആപ്പ് ഇൻസ്റ്റാൾ ചെയ്യുകയോ ചെയ്താൽ നിങ്ങളുടെ സ്വകാര്യ വിവരങ്ങൾ, ബാങ്കിങ് വിവരങ്ങൾ, മറ്റു ഡേറ്റ എന്നിവ തട്ടിപ്പുകാർക്ക് ലഭിക്കാനിടയുണ്ട്. ഇത്തരത്തിലുള്ള ലിങ്കുകളോടു പ്രതികരിച്ചു വഞ്ചിതരാകാതിരിക്കുവാൻ പ്രത്യേകം ശ്രദ്ധിക്കേണ്ടതാണെന്ന് പോലീസ് അറിയിച്ചു. യൂണിയൻ ബാങ്കിന്റെ പേരിൽ ഉൾപ്പെടെ തട്ടിപ്പ് നടക്കുന്നുണ്ടെന്ന് അധികൃതർ അറിയിച്ചു. ഓൺലൈൻ സാമ്പത്തികത്തട്ടിപ്പിനിരയായാൽ ഒരു മണിക്കൂറിനകം (GOLDEN HOUR) തന്നെ വിവരം 1930 ൽ അറിയിക്കുക. എത്രയും നേരത്തെ റിപ്പോർട്ട് ചെയ്താൽ തട്ടിപ്പിന് ഇരയായ വ്യക്തിക്ക് നഷ്ടപ്പെട്ട തുക തിരിച്ചുലഭിക്കാനുള്ള സാധ്യത കൂടുതലാണ്. www.cybercrime.gov.in എന്ന വെബ്സൈറ്റിലും പരാതി രജിസ്റ്റർ ചെയ്യാം.
നടൻ ദീപക് പറമ്പോലും അപർണ ദാസും വിവാഹിതരായി; വൈറലായി വിവാഹ ചിത്രങ്ങൾ

നടൻ ദീപക് പറമ്പോലും നടി അപർണ ദാസും വിവാഹിതരായി. ദീർഘ നാളത്തെ പ്രണയത്തിനൊടുവിലായിരുന്നു വിവാഹം. ഗുരുവായൂരിൽ വെച്ച് നടന്ന താലിക്കെട്ട് ചടങ്ങിൽ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കുചേർന്നത്. ഇരുവരുടെയും വിവാഹ ചിത്രങ്ങളും വീഡിയോകളും സാമൂഹ്യ മാദ്ധ്യമങ്ങളിൽ വൈറലായിരിക്കുകയാണ്. ദീപക് സിനിമ രംഗത്തെത്തിയത് 2010ൽ വിനീത് ശ്രീനിവാസന്റെ സംവിധാനത്തിൽ ഇറങ്ങിയ മലർവാടി ആർട്‌സ് ക്ലബ്ബിലൂടെയാണ്. തട്ടത്തിൻ മറയത്ത്, തിര, ഡി കമ്പനി, കുഞ്ഞിരാമായണം, രക്ഷാധികാരി ബൈജു, വിശ്വവിഖ്യാതമായ പയ്യന്മാർ, ക്യാപ്റ്റൻ, കണ്ണൂർ സ്‌ക്വാഡ്, മനോഹരം തുടങ്ങിയ നിരവധി ചിത്രങ്ങളിൽ ദീപക്ക് വേഷമിട്ടിട്ടുണ്ട്. മഞ്ഞുമേൽ ബോയ്‌സിലും ദീപക് ശ്രദ്ധേയമായ വേഷമാണ് അവതരിപ്പിച്ചത്. വർഷങ്ങൾക്ക് ശേഷം എന്ന സിനിമയിലും താരം വേഷമിട്ടു. 2018ൽ റിലീസ് ആയ ഞാൻ പ്രകാശൻ എന്ന ചിത്രമാണ് അപർണ ദാസിന്റെ ആദ്യ ചിത്രം. ഡാഡാ, മനോഹരം, ബീസ്റ്റ് തുടങ്ങിയ ചിത്രങ്ങളിലും അപർണ അഭിനയിച്ചു.
വിശ്വാസവഞ്ചന; മഞ്ഞുമ്മൽ ബോയ്സ് നിർമാതാക്കൾക്കെതിരേ കേസെടുത്ത് പോലീസ്

കൊച്ചി: മഞ്ഞുമ്മൽ ബോയ്സ് എന്ന മലയാള ചിത്രത്തിന്റെ നിർമാതാക്കൾക്കെതിരേ കേസെടുത്ത് പോലീസ്. നിർമാതാക്കളായ ഷോൺ ആന്റണി, സൗബിൻ ഷാഹിർ, ബാബു ഷാഹിർ എന്നിവർക്കെതിരെയാണ് കേസെടുത്തിരിക്കുന്നത്. എറണാകുളം ഒന്നാം ക്ലാസ് മജിസ്ട്രേറ്റ് കോടതിയുടെ ഉത്തരവ് പ്രകാരമാണ് നടപടി. എറണാകുളം മരട് പോലീസാണ് കേസ് രജിസ്റ്റർ ചെയ്തത്. ക്രിമിനൽ ഗൂഢാലോചന, വിശ്വാസവഞ്ചന, വ്യാജരേഖ ചമയ്ക്കൽ കുറ്റങ്ങൾ ചുമത്തിയാണ് കേസ്. സിനിമയ്ക്കായി മുടക്കിയ പണമോ ലാഭവിഹിതമോ തിരിച്ചു നൽകിയില്ലെന്നാണ് പരാതിയുടെ അടിസ്ഥാനത്തിലാണ് നടപടി. അരൂർ സ്വദേശി സിറാജാണ് പരാതി നൽകിയിരിക്കുന്നത്.