കൊച്ചി: കിറ്റക്‌സിന് നല്‍കിയ നോട്ടീസില്‍ നിന്നും തൊഴില്‍വകുപ്പ് പിന്മാറി. പുതുക്കിയ മിനിമം കൂലി നിയമം നടപ്പാക്കണമെന്നായിരുന്നു കിറ്റക്‌സിന് നല്‍കിയ നോട്ടീസില്‍ ആവശ്യപ്പെട്ടത്. എന്നാല്‍ നടപടി കോടതിയലക്ഷ്യമാണെന്ന് ചൂണ്ടിക്കാട്ടി കിറ്റക്‌സ് വക്കീല്‍ നോട്ടീസ് അയച്ചതിനെ തുടര്‍ന്നാണ് തൊഴില്‍ വകുപ്പിന്റെ പിന്മാറ്റം. പെരുമ്പാവൂര്‍ അസിസ്റ്റന്റ് ലേബര് ഓഫീസര്‍ ജൂണ്‍ മുപ്പതിനാണ്, പുതുക്കിയ മിനിമം കൂലി നടപ്പിലാക്കുന്നില്ലെന്ന് കാണിച്ച് കിറ്റക്‌സിന് നോട്ടീസ് നല്കിയത്.
ഈ നോട്ടീസ് ആണ് മരവിപ്പിച്ചിരിക്കുന്നത്. 2019-ലെ മിനിമം കൂലി ശുപാര്‍ശകള്‍ നടപ്പിലാക്കിയില്ലെന്ന് കാണിച്ചായിരുന്നു അസിസ്റ്റന്റ് ലേബര് ഓഫീസറുടെ നോട്ടീസ്.ഈ ഉത്തരവ് 2021 മാര്‍ച്ച് മാസത്തില്‍ ഇടക്കാല ഉത്തരവിലൂടെ ഹൈക്കോടതി സ്റ്റേ ചെയ്തതാണെന്നും അസിസ്റ്റന്റ് ലേബര് ഓഫീസറുടെ നോട്ടീസ് കോടതിയലക്ഷ്യമാണെന്നും കാണിച്ച് കിറ്റക്‌സ് വക്കീല്‍ നോട്ടീസ് അയക്കുകയായിരുന്നു.