ശ്രീലങ്കന് പര്യടനത്തില് പ്രതിസന്ധികളൊഴിയാതെ ഇന്ത്യന് ടീം. പര്യടനത്തിലെ മത്സരങ്ങള് ആരംഭിക്കാന് ദിവസങ്ങള് ബാക്കി നില്ക്കെ ശ്രീലങ്കന് ക്രിക്കറ്റ് ടീമിന്റെ ബാറ്റിംഗ് പരിശീലകനായ ഗ്രാന്റ് ഫ്ലവറിന് കോവിഡ് സ്ഥിരീകരിച്ചിരുന്നു. ശ്രീലങ്കന് ടീമിന്റെ ഡാറ്റാ അനലിസ്റ്റായ ജി ടി നിരോഷനും കഴിഞ്ഞ ദിവസം നടത്തിയ പരിശോധനയില് കോവിഡ് സ്ഥിരീകരിച്ചിരിക്കുകയാണ്.
ജി ടി നിരോഷനെ ഐസോലേഷനിലേക്ക് മാറ്റിയതായും ശ്രീലങ്കന് ക്രിക്കറ്റ് ബോര്ഡ് വ്യക്തമാക്കി.പരമ്പരകള് ആരംഭിക്കാന് മൂന്ന് ദിവസം മാത്രം ബാക്കി നില്ക്കെ ശ്രീലങ്കന് ടീമിലെ സപ്പോര്ട്ട് സ്റ്റാഫിലുള്ള രണ്ട് പേര്ക്ക് കോവിഡ് സ്ഥിരീകരിച്ചത് ഇന്ത്യന് ടീമിനെയും ആശങ്കയിലാഴ്ത്തിയിരിക്കുകയാണ്. ഇംഗ്ലണ്ട് ക്രിക്കറ്റ് ടീമിലെ മൂന്ന് കളിക്കാര്ക്കും നാല് സപ്പോര്്ട്ട് സ്റ്റാഫിനും കഴിഞ്ഞ ദിവസം കോവിഡ് സ്ഥിരീകരിച്ചതിനെത്തുടര്ന്ന് പാക്കിസ്ഥാനെതിരായ ഏകദിന പരമ്പരക്ക് പുതിയ ടീമിനെ തന്നെ ഇറക്കാന് ഇംഗ്ലണ്ട് നിര്ബന്ധിതരായിരുന്നു.
അതേസമയം പരമ്പരക്കായി ഇന്ത്യന് ടീം വലിയ തയ്യാറെടുപ്പുകളാണ് കൊളംബോയില് നടത്തുന്നത്. സീനിയര് ടീമിനൊപ്പം പരിശീലകനെന്ന നിലയില് ദ്രാവിഡിന്റെ രണ്ടാമൂഴമാണ് ഇത്.