കൊച്ചി: സംസ്ഥാനത്ത് വ്യാജ ആര്‍ ടി പി സി ആര്‍ സര്‍ട്ടിഫിക്കറ്റ് നിര്‍മിക്കുന്ന എറണാകുളത്തെ കേന്ദ്രം പൊലീസ് തകര്‍ത്തു. സംഭവവുമായി ബന്ധപ്പെട്ട് പശ്ചിമബംഗാളിലെ മുര്‍ഷിദാബാദ് സ്വദേശിയെ പൊലീസ് അറസ്റ്റ് ചെയ്തു. പ്രതിയായ സഞ്ജിത് കുമാര്‍ മൂവാറ്റുപുഴയിലെ ചകുങ്കല്‍ ഗ്രാമത്തില്‍ ഓണ്‍ലൈന്‍ ടിക്കറ്റ് ബുക്കിംഗ് കേന്ദ്രം നടത്തുകയാണ്.
എറണാകുളം, കോട്ടയം ജില്ലകളിലെ ആശുപത്രികളുടെയും ലാബുകളുടെയും പേരിലാണ് വ്യാജ ആര്‍ ടി പി സി ആര്‍ നെഗറ്റീവ് സര്‍ട്ടിഫിക്കറ്റ് നല്‍കുന്നത്.വ്യാജ മെഡിക്കല്‍ സര്‍ട്ടിഫിക്കറ്റുകളെക്കുറിച്ച് ആശുപത്രികളും ലാബുകളും പരാതിപ്പെട്ടതിനെ തുടര്‍ന്നാണ് പൊലീസ് അന്വേഷണം ആരംഭിച്ചത്. മറ്റ് സംസ്ഥാനങ്ങളില്‍ നിന്നുള്ളവരുടെ പേരുകള്‍ ഉള്ള വ്യാജ തിരിച്ചറിയല്‍ കാര്‍ഡുകളുടെ പകര്‍പ്പുകളും പൊലീസ് കണ്ടെടുത്തു. അതേസമയം, കഴിഞ്ഞദിവസം സംസ്ഥാനത്ത് 38,607 പേര്‍ക്കാണ് കോവിഡ്-19 സ്ഥിരീകരിച്ചത്.
2021-04-30