ന്യൂഡല്ഹി: രാജ്യത്തുണ്ടായിരിക്കുന്ന കോവിഡ് പ്രതിസന്ധിയില് സുപ്രീം കോടതി സ്വമേധയാ കേസെടുത്തു. രാജ്യത്തെ ഓക്സിജന് വിതരണം, മരുന്ന് വിതരണം, വാക്സിന് നയം എന്നിവയിലാണ് സുപ്രീം കോടതി കേസെടുത്തത്. നാളെ കേസ് പരിഗണിക്കുമെന്നും അറിയിച്ചു. ഇതിനായി മുതിര്ന്ന അഭിഭാഷകന് ഹരീഷ് സാല്വെയെ അമിക്കസ് ക്യൂറിയായി നിയോഗിച്ചു. ഇക്കാര്യത്തില് വിവിധ കോടതികളിലുളള കേസുകള് സുപ്രീം കോടതിയിലേക്ക് മാറ്റണമെന്ന് ചീഫ് ജസ്റ്റിസ് എസ് എ ബോബ്ഡെ നിര്ദേശിച്ചു. വ്യത്യസ്ത കോടതികള് വ്യത്യസ്ത വിധികള് പുറപ്പെടുവിക്കുന്നത് ആശയക്കുഴപ്പമുണ്ടാക്കുമെന്നും ചീഫ് ജസ്റ്റിസ് പറഞ്ഞു.
2021-04-22