മുംബൈ: കോവിഡിന്റെ പശ്ചാത്തലത്തില് ഈ മാസം 29 ന് നിര്ണായക യോഗം വിളിച്ച് ചേര്ത്ത് ബിസിസിഐ. ട്വന്റി 20 ലോകകപ്പ് ഇന്ത്യയില് നടത്തുമോയെന്ന് യോഗത്തില് തീരുമാനം ഉണ്ടായേക്കും. ഒക്ടോബര്, നവംബര് മാസങ്ങളിലാണ് ഇന്ത്യയില് ട്വന്റി 20 ലോകകപ്പ് നടക്കേണ്ടത്.കൊവിഡ് വ്യാപനത്തെ തുടര്ന്ന് ഐ പി എല് പാതിവഴിയില് നിര്ത്തിയതോടെയാണ് ലോകകപ്പും അനിശ്ചിതത്വത്തിലായത്. ടി20 ലോകകപ്പ് ഇന്ത്യയില് നടത്താനായില്ലെങ്കില് യുഎഇ വേദിയാകുമെന്നും റിപ്പോര്ട്ടുകളുണ്ട്. എന്നാല് ആതിഥേയ പദവി ഇന്ത്യക്ക് തന്നെയാവും.ഈ വര്ഷം ഒക്ടോബര് 18 മുതല് നവംബര് 15 വരെയാണ് ടി20 ലോകകപ്പിന് ഇന്ത്യ വേദിയാവുന്നത്.
2021-05-20