പിഡബ്ല്യുഡി ഫോര്‍ യു ആപ്പ് ഇനി ആപ്പിള്‍ പ്ലേ സ്റ്റോറിലും

തിരുവനന്തപുരം: പൊതുമരാമത്ത് വകുപ്പിന്റെ പിഡബ്ല്യുഡി ഫോര്‍ യു ആപ്പ് ഇനി ആപ്പിള്‍ പ്ലേ സ്റ്റോറിലും ലഭ്യമാകുമെന്ന് മന്ത്രി മുഹമ്മദ് റിയാസ് അറിയിച്ചു. ഗൂഗിള്‍ പ്ലേ സ്റ്റോറില്‍ മാത്രമേ ആപ്പ് ലഭ്യമായിരുന്നുള്ളു. പത്ത് ദിവസത്തിനകം 23,400 പേരാണ് ആപ്പ് ഡൗണ്‍ലോഡ് ചെയ്തത്. 4264 പേര്‍ പരാതികളറിയിച്ചു.

അതേസമയം മന്ത്രി അഡ്വ. പി. എ. മുഹമ്മദ് റിയാസിന്റെ ഫോണ്‍- ഇന്‍ പരിപാടിയില്‍ വന്ന പരാതിയുടെ അടിസ്ഥാനത്തില്‍ പൊതുമരാമത്ത് വകുപ്പിന്റെ സ്ഥലം കയ്യേറി കോഴിക്കോട് നല്ലളം ഡീസല് പ്ലാന്റിന് സമീപം നിര്‍ത്തിയിട്ട വാഹനങ്ങള്‍ മന്ത്രിയുടെ നേതൃത്വത്തില്‍ കഴിഞ്ഞ ദിവസം നീക്കം ചെയ്തിരുന്നു.

പിടിച്ചെടുത്തതോ കണ്ടുകെട്ടിയതോ ആയ എല്ലാ വാഹനങ്ങളും മൂന്ന് മാസത്തിനുള്ളില്‍ നീക്കം ചെയ്യപ്പെട്ടുവെന്ന് നിരീക്ഷിക്കുകയും ഉറപ്പാക്കുകയും ചെയ്യേണ്ടത് സബ് ഡിവിഷണല്‍ മജിസ്‌ട്രേറ്റിന്റെ ഉത്തരവാദിത്തമാണ്. ആവശ്യമായ പോലീസ് സഹായം നല്കാന്‍ ജില്ലാ പോലീസ് മേധാവിമാരോടും മന്ത്രി നിര്‍ദ്ദേശിച്ചു.