ഇന്ഡോര്: ബോര്ഡര്-ഗവാസ്കര് ട്രോഫിയില് സ്പിന് ബൗളിംഗില് ഓസ്ട്രേലിയയെ വീഴ്ത്താന് നിര്മ്മിച്ച പിച്ചില് ഇന്ത്യക്ക് പിഴച്ചു. കളി ആരംഭിച്ച് ഒരുമണിക്കൂര് കഴിഞ്ഞപ്പോള് തന്നെ വിജയത്തിനാവശ്യമായ 76 റണ്സ് ഓസ്ട്രേലിയ നിഷ്പ്രയാസം മറികടന്നു.ഇതോടെ നാല് മത്സരങ്ങളുള്ള പരമ്ബര 2-1 ആയി.
വെറും 19 ഓവര് മാത്രമാണ് മൂന്നാം ദിനം മത്സരം നടന്നത്. ഏകദിന ശൈലിയില് ബാറ്റ് ചെയ്ത ട്രാവിസ് ഹെഡും (53 പന്തില് പുറത്താകാതെ 49) ഒപ്പം ലബുഷൈനും (58 പന്തില് 28) ചേര്ന്ന് ബുദ്ധിമുട്ടില്ലാതെ വിജയം നേടിയെടുത്തു. ഇതോടെ ലോക ടെസ്റ്റ് ചാമ്ബ്യന്ഷിപ്പ് ഫൈനല് ബര്ത്ത് ഓസീസ് ഉറപ്പിച്ചു.
നേരത്തെ രണ്ടാം ദിനം ഓസ്ട്രേലിയ 197റണ്സിന് ഓള് ഔട്ടായതിന് മറുപടിയായി രണ്ടാം ഇന്നിംഗ്സ് ആരംഭിച്ച ഇന്ത്യ 163 റണ്സിന് ഓള് ഔട്ടായി. 58 റണ്സ് നേടിയ പൂജാര മാത്രമാണ് ഇന്ത്യയ്ക്കായി ക്ഷമയോടെ കളിച്ചത്. ഓസ്ട്രേലിയയ്ക്കായി നഥാന് ലയണ് എട്ട് വിക്കറ്റുകളാണ് വീഴ്ത്തിയത്.