സംസ്ഥാനത്തെ ഹോട്ടല്, റസ്റ്ററന്റ്, ബേക്കറി എന്നിവിടങ്ങളില് ജോലി ചെയ്യുന്ന ജീവനക്കാര്ക്കു നാളെ മുതല് ഹെല്ത്ത് കാര്ഡ് നിര്ബന്ധമാക്കി. നാളെ മുതല് കര്ശന പരിശോധന ഉണ്ടാകും. ഹെല്ത്ത് കാര്ഡ് ഇല്ലാത്ത സ്ഥാപനങ്ങളുടെ ലൈസന്സ് റദ്ദാക്കും.
കേരളത്തില് ഭക്ഷണം പാകം ചെയ്യുന്നതും വിതരണം ചെയ്യുന്നതും വില്പന നടത്തുന്നതുമായ എല്ലാ സ്ഥാപനങ്ങളിലേയും ഭക്ഷ്യ വസ്തുക്കള് കൈകാര്യം ചെയ്യുന്ന എല്ലാ ജീവനക്കാരും ഹെല്ത്ത് കാര്ഡ് എടുക്കണം. ഡോക്ടറുടെ നിര്ദേശ പ്രകാരം ശാരീരിക പരിശോധന, കാഴ്ചശക്തി പരിശോധന, ത്വക്ക് രോഗങ്ങള്, വൃണം, മുറിവ് എന്നിവയുണ്ടോയെന്ന പരിശോധന, വാക്സിനുകളെടുത്തിട്ടുണ്ടോ എന്ന പരിശാധന, പകര്ച്ചവ്യാധികളുണ്ടോ എന്നറിയുന്നതിനുള്ള രക്തപരിശോധന ഉള്പ്പെടെയുള്ളവ നടത്തേണ്ടതാണ്. സര്ട്ടിഫിക്കറ്റില് ഡോക്ടറുടെ ഒപ്പും സീലും ഉണ്ടായിരിക്കണം.
അതേസമയം, ഒരു വര്ഷമാണ് ഈ ഹെല്ത്ത് കാര്ഡിന്റെ കാലാവധി. ഹെല്ത്ത് ഇന്സ്പെക്ടര്മാര് ശുചിത്വവും ഹെല്ത്ത് കാര്ഡും പരിശോധിക്കുന്നതാണ്. സ്ഥാപനങ്ങള് കൂടാതെ മാര്ക്കറ്റുകള് ചെക്ക് പോസ്റ്റുകള് എന്നിവിടങ്ങളിലും പൊതുജനങ്ങളുടെ പരാതി അനുസരിച്ചും അപ്രതീക്ഷിത പരിശോധനകള് നടത്തുന്നതാണ്. ജീവനക്കാര്ക്ക് ഹെല്ത്ത് കാര്ഡിനായി നേരത്തെ രണ്ടു തവണ സമയം നീട്ടിനല്കിയിരുന്നു.