രണ്ട് ബില്യണ്‍ ഉപഭോക്താക്കളുടെ ഇഷ്ടാനിഷ്ടം തിരിച്ചറിഞ്ഞ് മാറ്റങ്ങള്‍ കൊണ്ടുവന്നുകൊണ്ടിരിക്കുകയാണ് വാട്സ്ആപ്പ്.
വാട്സ്ആപ്പില്‍ അയച്ചുകഴിഞ്ഞ സന്ദേശങ്ങളില്‍ തെറ്റുണ്ടായാല്‍ ഡിലീറ്റ് ചെയ്ത് വീണ്ടും അയക്കുകയാണ് ഇപ്പോള്‍ ഉപഭോക്താക്കള്‍ ചെയ്യുന്നത്. എന്നാല്‍ ഇതിന് പകരം അവ എഡിറ്റ് ചെയ്യാന്‍ അവസരം ഒരുങ്ങുന്നുവെന്നാണ് വാബെറ്റഇന്‍ഫോ റിപ്പോര്‍ട്ട് ചെയ്യുന്നത്. സന്ദേശങ്ങള്‍ അയച്ച് 15 മിനുട്ടിനുള്ളില്‍ അവ എഡിറ്റ് ചെയ്യാനാണ് സൗകര്യമുണ്ടാകുക.
ആപ്പിളിന്റെ ഐമെസേജ് ആപ്പിലുള്ളത് പോലെയാണ് എഡിറ്റ് ബട്ടണ്‍ പ്രവര്‍ത്തിക്കുകയെന്നും റിപ്പോര്‍ട്ടില്‍ പറയുന്നു. അക്ഷരത്തെറ്റുകളും ഗ്രാമര്‍ പിഴവുകളും തിരുത്താനും ചില വിവരങ്ങള്‍ ഒഴിവാക്കാനുമൊക്കെ ഇതുവഴി കഴിയും. നിലവില്‍ പരീക്ഷഘട്ടത്തിലുള്ള സംവിധാനം വാട്സ്ആപ്പ് ബീറ്റ ഐഒഎസ് 23.4.0.72 കണ്ടതായാണ് റിപ്പോര്‍ട്ട്.