കൊച്ചി: ലൈഫ് മിഷന് കോഴക്കേസില് മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം. ശിവശങ്കറെ കോടതി റിമാന്ഡ് ചെയ്തു. കടുത്ത ആരോഗ്യപ്രശ്നങ്ങള് ഉണ്ടെന്നും ജാമ്യം വേണമെന്നും ആവശ്യപ്പെട്ട് ശിവശങ്കര് ജാമ്യാപേക്ഷ സമര്പ്പിച്ചു.
അതേസമയം, ഒന്പത് ദിവസത്തെ ചോദ്യം ചെയ്യല് പൂര്ത്തിയാക്കിയതിനാല് ശിവശങ്കറിനെ കൂടതല് കസ്റ്റഡിയില് വേണമെന്ന് ഇഡി കോടതിയില് ആവശ്യപ്പെട്ടില്ല. ഇത്രയും ദിവസം ചോദ്യം ചെയ്തെങ്കിലും ശിവശങ്കര് കൃത്യമായ ഉത്തരം നല്കിയില്ലെന്നാണ് അന്വേഷണ ഉദ്യോഗസ്ഥര് വ്യക്തമാക്കുന്നത്.
എന്നാല്, സ്വപ്നയുമായി നടത്തിയ വാട്സ് ആപ്പ് ചാറ്റുകള് വ്യക്തിപരമാണെന്നും ലൈഫ് മിഷനുമായി ബന്ധമില്ലെന്നും കോഴപ്പണം കൈപ്പറ്റിയില്ലെന്നുമാണ് ശിവശങ്കര് മറുപടി നല്കിയത്.