വാഷിങ്ടണ്‍: ഒമ്ബത് വര്‍ഷത്തെ സേവനത്തിന് ശേഷം സൂസന്‍ ഡയാന്‍ വോജിസ്‌കി സി.ഇ.ഒ സ്ഥാനമൊഴിയുന്നതിന് പിന്നാലെ യൂട്യൂബിന്റെ മേധാവിയായി ഇന്ത്യന്‍ വംശജനായ നീല്‍ മോഹന്‍ നിയമിതനായി. നിലവില്‍ യൂട്യൂബിന്റെ ചീഫ് പ്രൊഡക്റ്റ് ഓഫീസറായി പ്രവര്‍ത്തിക്കുകയായിരുന്നു അമ്ബതുകാരനായ നീല്‍ മോഹന്‍.
2008-ല്‍ ആണ് നീല്‍ മോഹന്‍ ചീഫ് പ്രൊഡക്റ്റ് ഓഫീസറായി യൂട്യൂബില്‍ എത്തിയത്. മൈക്രോസോഫ്റ്റ്, സ്റ്റിച്ച് ഫിക്‌സ് എന്നീ കമ്ബനികളില്‍ ഇദ്ദേഹം പ്രവര്‍ത്തിച്ചിട്ടുണ്ട്. സ്റ്റാന്‍ഫോഡ് സര്‍വ്വകലാശാലയില്‍ നിന്നും ഇലക്ട്രിക്കല്‍ എഞ്ചിനീയറിംഗ്, എംബിഎ എന്നിവ കരസ്ഥമാക്കിയിട്ടുണ്ട്.
ഗൂഗിള്‍, മൈക്രോസോഫ്റ്റ്, ഐബിഎം തുടങ്ങി പ്രധാനപ്പെട്ട ടെക് കമ്ബനികളുടെ തലപ്പത്ത് നിലവില്‍ ഇന്ത്യന്‍ വംശജരാണ് ഉള്ളത്. സുന്ദര്‍ പിച്ചെ, സത്യന്‍ നൊദല്ല, അരവിന്ദ് കൃഷണന്‍ എന്നിവര്‍ക്കൊപ്പമാകും ഇനി നീല്‍ മോഹന്റെ സ്ഥാനവും.