ചെന്നൈ: മാദ്ധ്യമങ്ങള്‍, സമൂഹ മാദ്ധ്യമ സ്ഥാപനങ്ങള്‍, കമ്ബനികള്‍ തുടങ്ങിയവര്‍ തന്റെ ഫോട്ടോകള്‍, ശബ്ദം, പേര്, കാരിക്കേച്ചര്‍ എന്നിവ അനുമതി കൂടാതെ ഉപയോഗിക്കരുതെന്ന് നടന്‍ രജനീകാന്ത്. മുന്നറിയിപ്പ് ലംഘിച്ചാല്‍ നിയമനടപടി സ്വീകരിക്കുമെന്നും രജനീകാന്തിന്റെ അഭിഭാഷകന്‍ അറിയിച്ചു.
അതേസമയം, അനുവാദമില്ലാതെ ഒരു സ്വകാര്യ കമ്ബനി തന്റെ ചിത്രങ്ങള്‍ ഉപയോഗിച്ച് പരസ്യം നിര്‍മ്മിച്ചത് ശ്രദ്ധയില്‍പ്പെട്ടതിനെ തുടര്‍ന്നാണ് ഇത്തരത്തില്‍ ഒരു അറിയിപ്പുമായി അഭിഭാഷകന്‍ മുഖേന താരം രംഗത്തുവന്നിരിക്കുന്നത്.
തമിഴ്, മലയാളം. തെലുങ്ക്, കന്നഡ, ഹിന്ദി, ബംഗാളി എന്നീ ഭാഷകളിലായി 160 ഭാഷകളില്‍ താരം അഭിനയിച്ചിട്ടുണ്ട്. എന്നാല്‍ തന്റെ അഞ്ച് പതിറ്റാണ്ട് നീണ്ട സിനിമ ജീവിതത്തിനിടയില്‍ രജനീകാന്ത് ഒരു വാണിജ്യ പരസ്യത്തിലും അഭിനയിച്ചിട്ടില്ല. തമിഴ്നാട് സര്‍ക്കാരിനായി മൂന്ന് പരസ്യങ്ങളില്‍ അഭിനയിച്ചിട്ടുണ്ടെങ്കിലും അവയ്ക്കൊന്നും പ്രതിഫലവും വാങ്ങിയിരുന്നില്ല. എന്നാല്‍ അടുത്തിടെ ഒരു ടിഎംടി ബാര്‍ കമ്ബനി അദ്ദേഹത്തിന്റെ ചിത്രം ഉപയോഗിച്ച് പരസ്യം നിര്‍മ്മിച്ചിരുന്നു. ഇതിന് പിന്നാലെയാണ് ഇത്തരം പ്രവര്‍ത്തികള്‍ വിലക്കിക്കൊണ്ട് നിയമപരമായ മുന്നറിയിപ്പുമായി താരം മുന്നോട്ട് വന്നിരിക്കുന്നത്.