താൻ കുറച്ചുകൂടി ഉത്തരവാദിത്തമുള്ള നേതാവ്; പ്രകാശ് ബാബുവിന് പിന്തുണ നൽകാതെ കാനം രാജേന്ദ്രൻ

On: January 31, 2023

തിരുവനന്തപുരം: മുൻ മന്ത്രി ഇ ചന്ദ്രശേഖരനെ ബിജെപിക്കാർ ആക്രമിച്ച കേസിൽ കൂറുമാറിയ സിപിഎം പ്രവർത്തകർക്കെതിരെ വിമർശനം ഉന്നയിച്ച സിപിഐ ദേശീയ എക്‌സിക്യുട്ടീവ് അംഗം പ്രകാശ് ബാബുവിന് പിന്തുണ നൽകാതെ സിപിഐ സംസ്ഥാന സെക്രട്ടറി കാനം രാജേന്ദ്രൻ. താൻ കുറച്ചുകൂടി ഉത്തരവാദിത്തമുള്ള നേതാവാണെന്ന് കാനം വ്യക്തമാക്കി.

പാർട്ടിയും മുന്നണിയും കേസിൽ സംഭവിച്ചത് എന്താണെന്ന് പരിശോധിക്കുമെന്നും അദദേഹം മാദ്ധ്യമങ്ങളോട് പ്രതികരിച്ചു. സിപിഐ സംസ്ഥാന അസിസ്റ്റന്റ് സെക്രട്ടറി കൂടിയായ ഇ ചന്ദ്രശേഖരനെ ബിജെപിക്കാർ ആക്രമിച്ച കേസിലെ കൂറുമാറ്റത്തിൽ സിപിഎം കാസർകോട് ജില്ലാ കമ്മിറ്റിക്കെതിരെ പ്രകാശ് ബാബു രൂക്ഷ വിമർശനം ഉന്നയിച്ചിരുന്നു. ബിജെപിക്കാരെ എങ്ങനെയും രക്ഷിക്കണമെന്നായിരുന്നോ നിലപാടെന്ന് അദ്ദേഹം ചോദിച്ചിരുന്നു. സിപിഎം നിലപാട് അപലപനീയവും പരിഹാസ്യവുമാണെന്നും സിപിഎം സംസ്ഥാന നേതൃത്വം വിഷയം ഗൗരവത്തിലെടുക്കണമെന്നും പ്രകാശ് ബാബു ആവശ്യപ്പെട്ടിരുന്നു.

Previous Post: പാർട്ടിയിൽ ഒരു മതത്തിന്റെ പേര് ഉൾക്കൊള്ളുന്നുണ്ടെങ്കിലും പ്രവർത്തനം തികച്ചും മതേതരം; സുപ്രീം കോടതിയിൽ സത്യവാങ്മൂലം സമർപ്പിച്ച് മുസ്ലിം ലീഗ്

Next Post: ഏഴ് ജില്ലകളിൽ കൂടി ഫ്‌ലോട്ടിംഗ് ബ്രിഡ്ജ് സ്ഥാപിക്കും: മന്ത്രി പി എ മുഹമ്മദ് റിയാസ്

നിമിഷ പ്രിയയുടെ മോചനം; ചർച്ചകൾക്കായി അമ്മ ശനിയാഴ്ച്ച യെമനിലേക്ക്

ന്യൂഡൽഹി: യെമൻ പൗരനെ കൊലപ്പെടുത്തിയ കേസിൽ വധശിക്ഷയ്ക്ക് വിധിക്കപ്പെട്ട് സനയിലെ ജയിലിൽ കഴിയുന്ന നിമിഷ പ്രിയയുടെ മോചനത്തിനുള്ള ചർച്ചകൾക്കായി യെമനിലേക്ക് പോകാൻ അമ്മ പ്രേമകുമാരി. ശനിയാഴ്ചയാണ് പ്രേമകുമാരി യെമനിലേക്ക് തിരിക്കുന്നത്. സേവ് നിമിഷപ്രിയ ഇന്റർനാഷണൽ ആക്ഷൻ കൗൺസിൽ അംഗം സാമുവേൽ ജെറോമും പ്രേമകുമാരിക്ക് ഒപ്പം യമനിലേക്ക് പോകും. ശനിയാഴ്ച കൊച്ചിയിൽ നിന്ന് മുംബൈ വഴിയാണ് ഇവർ യെമനിലേക്ക് പോകുന്നത്. യെമനിലെ എഡെൻ അന്താരാഷ്ട്ര വിമാനത്താവളത്തിലേക്കാണ് മുംബൈയിൽ നിന്ന് ഇവർ ആദ്യമെത്തുന്നത്. അവിടെ നിന്ന് കരമാർഗം സനയിലേക്ക് പോകും. ഞായറാഴ്ചയോ, തിങ്കളാഴ്ചയോ ഇരുവരും സനയിലെ ജയിലിലെത്തി നിമിഷ പ്രിയയെ സന്ദർശിച്ചേക്കുമെന്നാണ് വിവരം. നിലവിൽ യെമനിലെ സർക്കാരുമായി ഇന്ത്യക്ക് ഔദ്യോഗിക നയതന്ത്ര ബന്ധമില്ല. യമനിലെ ആഭ്യന്തര സാഹചര്യങ്ങൾ കാരണം എംബസി ജിബൂട്ടിയിലേക്ക് മാറ്റിയിരിക്കുകയാണ്. ഈ സഹചര്യത്തിൽ സേവ് നിമിഷ പ്രിയ ആക്ഷൻ കൗൺസിലാണ് യെമനിലെ ചർച്ചകൾക്കുള്ള ക്രമീകരണങ്ങൾ നടത്തുന്നത്. അഭിഭാഷകൻ കെ.ആർ. സുഭാഷ് ചന്ദ്രനാണ് നിമിഷ പ്രിയയയുടെ അമ്മയ്ക്ക് വേണ്ടി ഡൽഹി ഹൈക്കോടതിയിൽ കേസ് നടത്തുകയും, വിദേശകാര്യ മന്ത്രാലയവുമായി ആശയവിനിമയം നടത്തുകയും ചെയ്തിരുന്നത്. നിമിഷപ്രിയയുടെ കുടുംബം യെമൻ സന്ദർശിച്ചാൽ അവിടുത്തെ സൗകര്യങ്ങൾ ഒരുക്കാൻ സർക്കാരിന് സാധിക്കില്ല എന്ന് വിദേശകാര്യ മന്ത്രാലയത്തിലെ ഡയറക്ടർ തനുജ് ശങ്കർ അമ്മ പ്രേമകുമാരിക്ക് കൈമാറിയ കത്തിൽ നേരത്തെ വ്യക്തമാക്കിയിരുന്നു.
ടി-20 ലോകകപ്പ്; ഇന്ത്യക്ക് വേണ്ടി രോഹിത് ശർമ – വിരാട് കോലി സഖ്യം ഓപ്പൺ ചെയ്തേക്കുമെന്ന് റിപ്പോർട്ട്

മുംബൈ: ടി-20 ലോകകപ്പിൽ ഇന്ത്യക്ക് വേണ്ടി സീനിയർ താരങ്ങളായ രോഹിത് ശർമ – വിരാട് കോലി സഖ്യം ഓപ്പൺ ചെയ്തേക്കുമെന്ന് റിപ്പോർട്ട്. ഇന്ത്യൻ മുഖ്യ സെലക്ടർ അജിത് അഗാർക്കറും പ്രധാന കോച്ച് രാഹുൽ ദ്രാവിഡും ക്യാപ്റ്റൻ രോഹിത് ശർമയും കഴിഞ്ഞ ആഴ്ച മുംബൈയിലെ ബിസിസിഐ ആസ്ഥാനത്ത് കൂടിക്കാഴ്ച നടത്തിയിരുന്നു. ലോകകപ്പ് ഒരുക്കങ്ങൾ വിലയിരുത്താൻ വേണ്ടിയായിരുന്നു കൂടിക്കാഴ്ച്ച. ഈ ചർച്ചയിൽ കാര്യങ്ങൾക്ക് തീരുമാനമായെന്നാണ് വിവരം. ഐപിഎല്ലിൽ യുവതാരങ്ങൾ പ്രതീക്ഷക്കൊത്ത് ഉയരാത്ത സഹാചര്യത്തിലാണ് മത്സരം രോഹിത് ശർമ-വിരാട് കോലി സഖ്യം ഓപ്പൺ ചെയ്യുമെന്ന തരത്തിലേക്ക് കാര്യങ്ങളെത്തിയത്. ഇന്ത്യൻ പ്രീമിയർ ലീഗിൽ ആർസിബിക്ക് വേണ്ടി കളിക്കുന്ന കോലിക്ക് നൂറിൽ നൂറ് മാർക്കാണ് ബിസിസിഐ നൽകുന്നത്. ഒരു സെഞ്ചുറിയും രണ്ട് അർദ്ധ സെഞ്ചുറിയും ഉൾപ്പടെ ഏഴ് ഇന്നിംഗ്സുകളിൽ നിന്ന് 361 റൺസാണ് കോലി ഇതുവരെ നേടിയത്. കോലിയുടെ സ്ട്രൈക്ക് റേറ്റും മെച്ചപ്പെട്ടതാണ്. ഐപിഎല്ലിലെ ഏറ്റവും ഉയർന്ന റൺവേട്ടക്കാരൻ എന്ന വനേട്ടവും കോലിയ്ക്കാണ്. ഒരു സെഞ്ചുറിയും 37 അർധസെഞ്ചുറികളും ഉൾപ്പടെ 4037 റൺസാണ് കോലി ഇതുവരെ നേടിയത്. ഇന്ത്യക്ക് വേണ്ടി ടി20 ക്രിക്കറ്റിൽ ഒമ്പത് മത്സരങ്ങളിൽ ഓപ്പൺ ചെയ്തിട്ടുള്ള കോലി ഒരു സെഞ്ചുറി ഉൾപ്പെടെ 400ലധികം റൺസ് നേടിയിട്ടുണ്ട്. എന്നാൽ, വിക്കറ്റ് കീപ്പറുടെ കാര്യത്തിൽ ഇപ്പോഴും തീരുമാനമായിട്ടില്ല. കെ എൽ രാഹുൽ, സഞ്ജു സാംസൺ, റിഷഭ് പന്ത് എന്നിവരെയാണ് പരിഗണിക്കുന്നത്.
ലോക്‌സഭാ തെരഞ്ഞെടുപ്പിനായി വോട്ട് ചെയ്യാൻ നാട്ടിലെത്തുന്ന കന്നി വോട്ടർമാരാണോ; ടിക്കറ്റ് നിരക്കിൽ വലിയ ഓഫർ

ന്യൂഡൽഹി: ലോക്‌സഭാ തെരഞ്ഞെടുപ്പിനായി വോട്ട് ചെയ്യാൻ നാട്ടിലെത്തുന്ന കന്നി വോട്ടർമാർക്ക് ടിക്കറ്റ് നിരക്കിൽ വലിയ ഓഫറുമായി എയർ ഇന്ത്യ എക്‌സ്പ്രസ്. ഇവർക്കായി 19 ശതമാനം കിഴിവിൽ ടിക്കറ്റൊരുക്കിയിരിക്കുകയാണ് എയർ ഇന്ത്യ എക്‌സ്പ്രസ് വിമാന കമ്പനി. 18നും 22നും ഇടയിൽ പ്രായമുള്ള വോട്ടർമാർക്ക് അവരുടെ ലോക്‌സഭാ മണ്ഡലത്തിന്റെ ഏറ്റവും അടുത്തുള്ള എയർപോർട്ടിലേക്ക് എയർ ഇന്ത്യ എക്‌സ്പ്രസിന്റെ വെബ്‌സൈറ്റിലൂടെയോ (airindiaexpress.com) മൊബൈൽ ആപ്പിലൂടെയോ ജൂൺ ഒന്ന് വരെ ഓഫർ നിരക്കിൽ ടിക്കറ്റ് ബുക്ക് ചെയ്യാം. എയർ ഇന്ത്യ എക്‌സ്പ്രസിന്റെ 19-ാം വാർഷികാഘോഷങ്ങളുടെ ഭാഗമായാണ് ഈ ഓഫർ അവതരിപ്പിച്ചിരിക്കുന്നത്. ആഭ്യന്തര-അന്താരാഷ്ട്ര സർവീസുകളിൽ ഈ ഓഫർ ലഭ്യമാണ്. #VoteAsYouAre എന്ന കാമ്പയിന്റെ ഭാഗമായാണ് എയർ ഇന്ത്യ എക്‌സ്പ്രസ് പുതിയ ഓഫർ ഒരുക്കിയിരിക്കുന്നതെന്ന് കമ്പനി വൃത്തങ്ങൾ അറിയിച്ചു.
കേരളം സമ്പൂർണ സാക്ഷരതയിൽ എത്തിയിട്ട് 33 വർഷങ്ങൾ; കുറിപ്പുമായി വി ശിവൻകുട്ടി

തിരുവനന്തപുരം: കേരളം സമ്പൂർണ സാക്ഷരതയിൽ എത്തിയിട്ട് 33 വർഷങ്ങൾ പൂർത്തിയായി. വിദ്യാഭ്യാസ മന്ത്രി വി ശിവൻകുട്ടിയാണ് ഇക്കാര്യം അറിയിച്ചത്. 1991 ഏപ്രിൽ 18 നായിരുന്നു സമ്പൂർണ്ണ സാക്ഷരത നേടിയ ആദ്യ സംസ്ഥാനമായി കേരളം പ്രഖ്യാപിക്കപ്പെട്ടത്. മലപ്പുറം കാവനൂരിലെ ചേലക്കോടൻ ആയിഷുമ്മ കോഴിക്കോട് മാനാഞ്ചിറ മൈതാനിയിൽ തെളിയിച്ച അക്ഷരദീപം പിന്നീട് അറിവിന്റെ തീജ്വാലയായി പടർന്നുവെന്ന് വി ശിവൻകുട്ടി വ്യക്തമാക്കി. കേരളത്തിന്റെ വികസന ചരിത്രത്തിലെ നാഴികക്കല്ലായിരുന്നു ആ മുഹൂർത്തം. ഭൂപരിഷ്‌കരണം, വിദ്യാഭ്യാസ ബില്ല്, സാക്ഷരതാ പ്രസ്ഥാനം, ജനകീയാസൂത്രണം, കുടുംബശ്രീ അങ്ങനെ എത്രയെത്ര ഇടപെടലുകളാണ് കേരളത്തിൽ ഇടതുപക്ഷം നടത്തിയിട്ടുള്ളതെന്ന് അദ്ദേഹം അറിയിച്ചു. ഫോസ്ബുക്കിൽ പങ്കുവെച്ച കുറിപ്പിലൂടെയായിരുന്നു അദ്ദേഹത്തിന്റെ പരാമർശം. ഫേസ്ബുക്ക് കുറിപ്പിന്റെ പൂർണ്ണരൂപം: 1991 ഏപ്രിൽ 18 നായിരുന്നു സമ്പൂർണ്ണ സാക്ഷരത നേടിയ ആദ്യ സംസ്ഥാനമായി കേരളം പ്രഖ്യാപിക്കപ്പെട്ടത്. മലപ്പുറം കാവനൂരിലെ ചേലക്കോടൻ ആയിഷുമ്മ കോഴിക്കോട് മാനാഞ്ചിറ മൈതാനിയിൽ തെളിയിച്ച അക്ഷരദീപം പിന്നീട് അറിവിന്റെ തീജ്വാലയായി പടർന്നു. കേരളത്തിന്റെ വികസന ചരിത്രത്തിലെ നാഴികക്കല്ലായിരുന്നു ആ മുഹൂർത്തം. ഭൂപരിഷ്‌കരണം,വിദ്യാഭ്യാസ ബില്ല്, സാക്ഷരതാ പ്രസ്ഥാനം,ജനകീയാസൂത്രണം, കുടുംബശ്രീ അങ്ങനെ എത്രയെത്ര ഇടപെടലുകളാണ് കേരളത്തിൽ ഇടതുപക്ഷം നടത്തിയിട്ടുള്ളത്..
ലോക്‌സഭാ തെരഞ്ഞെടുപ്പിന്റെ ഒന്നാം ഘട്ടം ആരംഭിച്ചു; തമിഴ്നാട്ടിൽ ഉൾപ്പെടെ പോളിംഗ് നടക്കുന്നു

ന്യൂഡൽഹി: ലോക്‌സഭാ തെരഞ്ഞെടുപ്പിന്റെ ഒന്നാം ഘട്ടം ആരംഭിച്ചു. 16 സംസ്ഥാനങ്ങളിലും അഞ്ച് കേന്ദ്ര ഭരണ പ്രദേശങ്ങളിലുമായി 102 മണ്ഡലങ്ങളിലാണ് തെരഞ്ഞെടുപ്പ് നടക്കുന്നത്. 102 മണ്ഡലങ്ങളിലായി 1625 സ്ഥാനാർത്ഥികൾ മത്സരിക്കുന്നുണ്ട്. തമിഴ്നാട്ടിൽ, 39 മണ്ഡലങ്ങളിലായി 950 സ്ഥാനാർത്ഥികളാണ് ജനവിധി തേടുന്നത്. രാവിലെ 7 മണി മുതൽ പോളിംഗ് ആരംഭിച്ചു. നിരവധി പ്രമുഖർ തങ്ങളുടെ സമ്മതിദാന അവകാശം വിനിയോഗിക്കാനെത്തി. മുൻ കേന്ദ്രമന്ത്രി പി ചിദംബരം, ബിജെപി സംസ്ഥാന അധ്യക്ഷൻ കെ അണ്ണാമലൈ, സിനിമാ താരങ്ങളായ രജനികാന്ത്, അജിത്ത്, കമൽ ഹാസൻ, ഖുഷ്ബു, ശിവകാർത്തികേയൻ സംഗീത സംവിധായകൻ ഇളയരാജ തുടങ്ങിയ പ്രമുഖരെല്ലാം രാവിലെ തന്നെ വോട്ട് രേഖപ്പെടുത്താനെത്തിയിരുന്നു. ആദ്യ ഘട്ടത്തിൽ പശ്ചിമ ബംഗാളിൽ മൂന്ന് സീറ്റുകളിലാണ് വോട്ടെടുപ്പ് നടക്കുന്നത്. ബംഗാളിൽ ബിജെപി അക്രമം കാട്ടുന്നുവെന്നും ആയുധങ്ങളുമായി വോട്ടർമാരെ ഭീഷണിപ്പെടുത്തുവെന്നുമാണ് തൃണമൂൽ ആരോപിക്കുന്നത്. ആലിപൂർദ്വാറിലെ രണ്ട് ബൂത്തുകളിൽ ബി ജെ പി പ്രവർത്തകർ ആയുധങ്ങളുമായി എത്തിയയെന്നും തൃണമൂൽ പറയുന്നു. ദിൻഹാട്ടയിൽ ബിജെപി നേതാവിന്റെ വീട്ടിലേക്ക് ബോംബേറ് നടന്നു. ഇതിന് പിന്നിൽ തൃണമൂൽ കോൺഗ്രസാണെന്നാണ് ബിജെപി പറയുന്നത്. അതേസമയം, തമിഴ്‌നാട്ടിൽ ചരിത്രജയം നേടുമെന്നാണ് ബിജെപി അധ്യക്ഷൻ കെ അണ്ണാമലൈ വ്യക്തമാക്കിയിരിക്കുന്നത്. തമിഴ് ജനത മോദിക്കൊപ്പം നിൽക്കും. ബിജെപിക്കാരുടെ കൈയിൽ നിന്ന് പണം വാങ്ങിയ ഒരു വോട്ടറെ കാണിച്ചാൽ രാഷ്ട്രീയം വിടുമെന്നും അണ്ണാമലൈ വോട്ട് രേഖപ്പെടുത്തിയതിന് പിന്നാലെ അദ്ദേഹം പ്രതികരിച്ചു.