കൊച്ചി: ലോ കോളേജിലെ വിദ്യാര്‍ത്ഥിയുടെ പെരുമാറ്റത്തില്‍ അതൃപ്തി പ്രകടിപ്പിച്ച നടി അപര്‍ണ ബാലമുരളി പ്രതികരണവുമായി രംഗത്ത്. തങ്കം എന്ന പുതിയ ചിത്രത്തിന്റെ പ്രമോഷന് വേണ്ടി സംസാരിക്കവെയാണ് അപര്‍ണയുടെ പ്രതികരണം..
സംഭവത്തില്‍ ലോ കോളേജ് അധികൃതര്‍ സ്വീകരിച്ച നടപടിയില്‍ തൃപ്തയാണെന്ന് നടി അറിയിച്ചു. ‘അന്ന് നടന്ന സംഭവം അപ്രതീക്ഷിതമായിരുന്നു. ഒരു ലോ കോളേജില്‍ നിന്ന് ഒരിക്കലും അത് പ്രതീക്ഷിച്ചില്ല. അവിടെ ഒരിക്കലും സംഭവിക്കാന്‍ പാടില്ലാത്ത കാര്യമായിരുന്നു അത്. പക്ഷെ നടന്നത് എന്താണെന്ന് വ്യക്തമായത് കൊണ്ട് അതില്‍ എന്ത് നടപടി സ്വീകരിക്കണമെന്ന് ലോ കോളേജിനറിയാം. അവര്‍ അത് ചെയ്തു. കൂടാതെ കോളേജിലെ എല്ലാം കുട്ടികളും മാപ്പ് പറഞ്ഞു. കോളേജിന്റെ നടപടിയെ ബഹുമാനത്തോടെ കാണുന്നു’- അപര്‍ണ പറഞ്ഞു