കേന്ദ്ര ഇലക്ട്രോണിക്സ് & ഐടി വകുപ്പിന്റെ ഡിജിറ്റല് ഇന്ത്യ അവാര്ഡുകളില് വിവിധ വിഭാഗങ്ങളിലായി മൂന്ന് പുരസ്കാരങ്ങള് നേടി കേരളം. എല്.ഡി.എഫ് സര്ക്കാര് നടപ്പിലാക്കിയ ഡിജിറ്റല് വര്ക്ക്ഫോഴ്സ് മാനേജ്മെന്റ് സിസ്റ്റത്തിന് പ്ലാറ്റിനം അവാര്ഡും, കോട്ടയം ജില്ലാ ഭരണകൂടത്തിന്റെ വെബ്സൈറ്റിന് ഗോള്ഡ് മെഡലും, ക്ഷീരശ്രീ പോര്ട്ടലിന് സില്വര് മെഡലും ലഭിച്ചു.
‘അറിവും നൈപുണിയും കൈമുതലായ വിജ്ഞാന സമൂഹമായി കേരളത്തെ വളര്ത്തിയെടുക്കാന് ലക്ഷ്യബോധത്തോടെ മുന്നേറുകയാണ് എല്ഡിഎഫ് സര്ക്കാരാണ്. വിരല്ത്തുമ്പില് വിവരങ്ങളെത്തുന്ന ഈ ഇന്റര്നെറ്റ് യുഗത്തില് ഭരണനിര്വ്വഹണവും ജനസേവനവും ഡിജിറ്റല് ആയേ തീരൂ. എല്.ഡി.എഫ് സര്ക്കാര് ഇതിനായി വിവിധ പദ്ധതികള് ആവിഷ്കരിച്ചു നടപ്പിലാക്കുന്നുണ്ട്. ഇവയില് പലതിനും ദേശീയവും അന്തര്ദേശീയവുമായ അംഗീകാരങ്ങള് ലഭിക്കുന്നുവെന്നത് മലയാളികള്ക്ക് ഏറെ അഭിമാനകരമായ കാര്യമാണ്’- മുഖ്യമന്ത്രി ഫേസ്ബുക്കില് കുറിച്ചു.