ഡിസംബര് 30ന് റിലീസ് ചെയ്ത ഉണ്ണിമുകുന്ദന് നായകനായ ചിത്രം മാളികപ്പുറത്തിന് ഗംഭീര പ്രതികരണമാണ് ലഭിക്കുന്നത്. സിനിമ കണ്ടിറങ്ങുന്ന ഓരോരുത്തരും നല്കുന്ന പോസിറ്റീവ് റിവ്യൂവായിരുന്നു ശേഷിക്കുന്നവരെയും സിനിമ കാണാന് പ്രേരിപ്പിച്ചത്. ഇപ്പോഴിതാ ചിത്രത്തിന്റെ ജിസിസി റിലീസ് തീയതിയും പ്രഖ്യാപിച്ചിരിക്കുകയാണ് മാളികപ്പുറത്തിന്റെ അണിയറ പ്രവര്ത്തകര്.
യുഎഇ, ജിസിസി രാജ്യങ്ങളില് ജനുവരി അഞ്ചിന് ചിത്രം റിലീസ് ചെയ്യുമെന്നാണ് റിപ്പോര്ട്ട്. സിനിമയുടെ തമിഴ്, തെലുങ്ക്, പതിപ്പുകളും ഉടന് റിലീസ് ചെയ്യും. ജനുവരി ആറിനാണ് ഇതരഭാഷകളില് മാളികപ്പുറം റിലീസ് ചെയ്യുന്നത്.
നവാഗതനായ വിഷ്ണു ശശി ശങ്കര് സംവിധാനം ചെയ്ത് അഭിലാഷ് പിള്ളൈ രചിച്ച ചിത്രമാണ് മാളികപ്പുറം. ബാലികയായ കല്ല്യാണിയുടെ ശബരിമലയിലേക്കുള്ള യാത്രയാണ് ചിത്രത്തിന്റെ പ്രമേയം. കല്ല്യാണിയായും കളിക്കൂട്ടുകാരന് പീയൂഷായും എത്തിയ രണ്ട് ബാലാതാരങ്ങളും മികച്ച പ്രകടനം കാഴ്ചവച്ചുവെന്നാണ് സിനിമ കണ്ടവരുടെ പ്രതികരണങ്ങള് സൂചിപ്പിക്കുന്നത്.