കൊച്ചി: അമേരിക്കയില് പ്രവര്ത്തിക്കുന്ന കേരള ഹിന്ദൂസ് ഓഫ് നോര്ത്ത് അമേരിക്കയുടെ ആര്ഷദര്ശ പുരസ്കാരം ശ്രീകുമാരന് തമ്ബിക്ക്. വേദ സാഹിത്യത്തിന്റെ ധര്മ്മ സന്ദേശം രചനകളിലൂടെ പ്രതിഫലിപ്പിക്കുന്ന മലയാളി സാഹിത്യകാരനെ ആദരിക്കുന്നതാണ് പുരസ്കാരം. ഒരു ലക്ഷം രൂപയും പ്രശസ്തിപത്രവും ശില്പവുമടങ്ങുന്ന പുരസ്കാരമാണ് നല്കുക.
സി. രാധാകൃഷ്ണന്, പ്രഭാവര്മ്മ, സൂര്യാകൃഷ്ണമൂര്ത്തി, കെ ജയകുമാര്, പി ശ്രീകുമാര് എന്നിവരടങ്ങിയ സമിതിയാണ് പുരസ്കാരം നിര്ണ്ണയിച്ചത്. കവി, ഗാനരചയിതാവ്, തിരക്കഥാകൃത്ത്, സംവിധായകന്, നിര്മാതാവ് എന്നീ നിലകളില് സിനിമയുടെ എല്ലാ തലത്തിലും മായാത്ത വ്യക്തിമുദ്ര പതിപ്പിക്കുകയും മലയാള സാഹിത്യത്തെ സമ്ബന്നമാക്കുകയും ആര്ഷഭാരത സംസ്കാരത്തിന്റെ അടിസ്ഥാന മൂല്യങ്ങള് കൈവിടാതെ ജീവിതം നയിക്കുകയും ചെയ്ത പ്രതിഭാശാലിയാണ് ശ്രീകുമാരന് തമ്ബിയെന്ന് സമിതി വിലയിരുത്തി.