കേരളത്തിലെ ആദ്യ ഐമാക്‌സ് തിയേറ്റര്‍ തിരുവനന്തപുരത്ത് പ്രവര്‍ത്തനമാരംഭിച്ചു. ലുലു മാളിലെ പിവിആര്‍ സൂപ്പര്‍പ്ലെക്‌സിലാണ് ഐമാക്‌സ് സ്‌ക്രീനിംഗ് ആരംഭിച്ചു.
ഹോളിവുഡ് ചിത്രമായ അവതാര്‍ ദി വേ ഓഫ് വാട്ടര്‍ ആണ് ഉദ്ഘാടന ചിത്രം. അവതാര്‍ റിലീസ് ചെയ്യുന്ന ഡിസംബര്‍ 16ന് തന്നെ തിരുവനന്തപുരത്ത് ഐമാക്‌സ് ഉദ്ഘാടനം ചെയ്യുമെന്ന് നിര്‍മ്മാതാക്കള്‍ നേരത്തെ പ്രഖ്യാപിച്ചിരുന്നുവെങ്കിലും അതുണ്ടായില്ല.
അതേസമയം, അവതാര്‍ റിലീസ് ചെയ്ത് കുറച്ച് ദിവസമായെങ്കിലും ഐമാക്‌സില്‍ സിനിമ കാണാന്‍ സിനിമാപ്രേമികളുടെ തിരക്കുണ്ടായിരുന്നു. ഞായറാഴ്ച വരെയുള്ള മിക്ക ഷോകള്‍ക്കും ഓണ്‍ലൈന്‍ ബുക്കിംഗ് സൈറ്റുകളില്‍ വലിയ തോതിലുള്ള ബുക്കിംഗ് ലഭിക്കുന്നു. യഥാക്രമം 1230 രൂപ, 930 രൂപ, 830 രൂപ എന്നിങ്ങനെയാണ് ടിക്കറ്റ് നിരക്കുകള്‍ .