ന്യൂഡല്‍ഹി: കെപിസിസി പുന:സംഘടന ഉടന്‍ ഉണ്ടാകില്ലെന്ന് എഐസിസി ജനറല്‍ സെക്രട്ടറി താരിഖ് അന്‍വര്‍ അറിയിച്ചു.
‘പ്രസിഡണ്ട് സ്ഥാനത്ത് നിന്ന് കെ. സുധാകരനെ മാറ്റുന്ന കാര്യത്തില്‍ തീരുമാനം എടുക്കേണ്ടത് ഹൈക്കമാന്‍ഡ് ആണ്. ആ കാര്യത്തില്‍ ഇതുവരെ ആലോചന ഇല്ല. ഭാരത്‌ജോഡോ യാത്രക്ക് ശേഷം കോണ്‍ഗ്രസിനെ കൂടുതല്‍ ശക്തിപ്പെടുത്താനുള്ള പദ്ധതികള്‍ക്ക് രൂപം നല്‍കും. നേതാക്കള്‍ ജനങ്ങളുടെ ഇടയിലേക്ക് ഇറങ്ങി പ്രവര്‍ത്തിക്കണം എന്ന് രാഹുല്‍ ഗാന്ധി തന്നെ നിര്‍ദേശിച്ചിട്ടുണ്ട്. അതിനുള്ള പരിപാടികളും ആസൂത്രണം ചെയ്യും’- അദ്ദേഹം വ്യക്തമാക്കി.