ചണ്ഡീഗഡ്: കാലിത്തീറ്റക്കായി പഞ്ചാബില്‍ നിന്നും വൈക്കോല്‍ കേരളത്തിലേക്ക് കൊണ്ടുവരാനായി ഇരുസര്‍ക്കാരുകളും തമ്മില്‍ ധാരണയിലെത്തി.
കേരളത്തിന് വൈക്കോല്‍ സൗജന്യമായി നല്‍കാമെന്നാണ് പഞ്ചാബ് അറിയിച്ചത്. ഇത് സംസ്ഥാനത്തെത്തിച്ച് സംസ്‌കരിച്ച് കാലിത്തീറ്റയാക്കിയതിന് ശേഷം കുറഞ്ഞ നിരക്കില്‍ കര്‍ഷകര്‍ക്ക് ലഭ്യമാക്കും.
അതേസമയം, വൈക്കോല്‍ അടക്കമുള്ള കാര്‍ഷികാവശിഷ്ടങ്ങള്‍ കത്തിക്കുന്നതിനാല്‍ പഞ്ചാബിലും അയല്‍ സംസ്ഥാനങ്ങളിലും വായുമലിനീകരണം രൂക്ഷമാക്കുന്നുണ്ട്. പുതിയ ധാരണപ്രകാരം വൈക്കോല്‍ കേരളത്തിലേക്ക് കയറ്റി അയക്കുന്നതോടെ പഞ്ചാബിലെ മാലിന്യ പ്രശ്നത്തിനും പരിഹാരമാകും.