പ്രശസ്ത എഴുത്തുകാരന്‍ കല്‍ക്കി കൃഷ്ണമൂര്‍ത്തിയുടെ അതേ പേരിലുള്ള നോവലിനെ ആസ്പദമാക്കിയാണ് മണിരത്‌നം പൊന്നിയിന്‍ സെല്‍വന്‍-1 സംവിധാനം ചെയ്തത്. ആഗോളതലത്തില്‍ 500 കോടിയിലധികം രൂപയാണ് ചിത്രം നേടിയത്. ചിത്രത്തിന്റെ വിജയം ആഘോഷിക്കാന്‍ കല്‍ക്കിയുടെ പേരിലുള്ള ട്രസ്റ്റിന് ചിത്രത്തിന്റെ പിന്നണി പ്രവര്‍ത്തകര്‍ ഒരു കോടി രൂപ സംഭാവന നല്‍കി.
കഴിഞ്ഞ ദിവസം ചെന്നൈയില്‍ നടന്ന വിജയാഘോഷത്തിനിടെയാണ് സംവിധായകനും സംഘവും ഇക്കാര്യം അറിയിച്ചത്. നിര്‍മ്മാതാവ് എ സുഭാസ്‌കരനും സംവിധായകന്‍ മണിരത്‌നവും ചേര്‍ന്ന് ട്രസ്റ്റ് ഓഫീസില്‍ നേരിട്ടെത്തിയാണ് ചെക്ക് കൈമാറിയത്. കല്‍ക്കി മെമ്മോറിയല്‍ ട്രസ്റ്റിന് വേണ്ടി മാനേജിംഗ് ട്രസ്റ്റി സീതാ രവി ചെക്ക് ഏറ്റുവാങ്ങി. കല്‍ക്കി കൃഷ്ണമൂര്‍ത്തിയുടെ മകന്‍ കല്‍ക്കി രാജേന്ദ്രനും സന്നിഹിതനായിരുന്നു.