ബോളിവുഡ് താര ദമ്പതികളായ ആലിയ ഭട്ടിനും രണ്ബീര് കപൂറിനും പെണ്കുഞ്ഞ് പിറന്നു. ഇന്ന് ഉച്ചയ്ക്ക് 12.05 നാണ് ആലിയ കുഞ്ഞിന് ജന്മം നല്കിയത്. രാവിലെ ആലിയയെ മുംബൈയിലെ എച്ച്എന് റിലയന്സ് ഫൗണ്ടേഷന് ആശുപത്രിയില് പ്രവേശിപ്പിച്ചിരുന്നു. അമ്മയും കുഞ്ഞും സുഖമായി ഇരിക്കുന്നുവെന്നും എല്ലാവരുടെയും പ്രാര്ഥനകള്ക്കും അനുഗ്രഹങ്ങള്ക്കും നന്ദിയെന്നും ഇരുവരോടും അടുത്തവൃത്തങ്ങള് മാധ്യമങ്ങളോട് പ്രതികരിച്ചു.
നീണ്ട വര്ഷത്തെ പ്രണയത്തിനു ശേഷം, കഴിഞ്ഞ ഏപ്രില് 14 നായിരുന്നു ആലിയ-രണ്ബീര് വിവാഹം നടന്നത്. വളരെ സ്വകാര്യമായി നടന്ന ചടങ്ങില് അടുത്ത സുഹൃത്തുക്കളും കുടുംബാംഗങ്ങളും മാത്രമാണ് പങ്കെടുത്തത്. അയാന് മുഖര്ജി സംവിധാനം ചെയ്ത ബ്രഹ്മാസ്ത്രയാണ് ആലിയയുടേയും രണ്ബീറിന്റേയും ഒടുവില് പുറത്തിറങ്ങിയ ചിത്രം. ഇരുവരും ആദ്യമായി ഒന്നിച്ച ചിത്രം കൂടിയാണിത്.