വഴിയോര കച്ചവടക്കാരുടെ ഉന്നമനം; പ്രധാനമന്ത്രി സ്വനിധി പദ്ധതിയെ കുറിച്ച് അറിയാം

തിരുവനന്തപുരം: പ്രധാനമന്ത്രി സ്വനിധി പദ്ധതിയുടെ ഗുണഫലങ്ങളെ കുറിച്ച് വിശദമാക്കി ബിജെപി സംസ്ഥാന അദ്ധ്യക്ഷൻ കെ സുരേന്ദ്രൻ. ഫേസ്ബുക്കിൽ പങ്കുവെച്ച കുറിപ്പിലൂടെയാണ് അദ്ദേഹം പദ്ധതിയെ കുറിച്ച് വിവരിച്ചത്. വഴിയോര കച്ചവടക്കാർക്ക് വായ്പ നൽകുന്നതിനും സമഗ്രമായ വികസനത്തിനും സാമ്പത്തിക ഉന്നമനത്തിനും ലക്ഷ്യമിട്ട് കേന്ദ്ര സർക്കാർ വിഭാവനം ചെയ്ത പദ്ധതിയാണ് പ്രധാനമന്ത്രി സ്ട്രീറ്റ് വെണ്ടേഴ്സ് ആത്മനിർഭർ നിധി (പിഎം സ്വനിധി പദ്ധതി) എന്ന് അദ്ദേഹം പറഞ്ഞു.

ഭവന, നഗരകാര്യ മന്ത്രാലയത്തിന്റെ കീഴിൽ വരുന്നതാണ് ഈ പദ്ധതി. കോവിഡ് മഹാമാരിയെ തുടർന്നുണ്ടായ പ്രതിസന്ധികൾ ഏറ്റവും സാരമായി ബാധിച്ച വിഭാഗമാണ് വിഴിയോരകച്ചവടക്കാർ. ലോക്ക് ഡൗണിനെ തുടർന്ന് വഴിയോര കച്ചവടക്കാരുടെ വ്യാപാര സ്ഥാപനങ്ങൾ അടച്ചുപൂട്ടുകയോ കച്ചവടം കുറയുകയും ചെയ്തിരുന്നു. ഏകദേശം 50 ലക്ഷത്തിലധികം വരുന്ന വഴിയോര കച്ചവടക്കാർക്കാണ് ഈ പദ്ധതികൊണ്ട് ഗുണം ചെയ്യുക. ഗ്രാമീണ-നഗര പ്രദേശങ്ങളിൽ ഇവരുടെ വ്യാപാരം പുനരാരംഭിക്കാൻ സഹായിക്കുന്നതിന് 10,000 രൂപ വരെയുള്ള പ്രവർത്തന മൂലധന വായ്പകൾ സുഗമമാക്കാനാണ് പദ്ധതികൊണ്ട് ഉദ്ദേശിക്കുന്നതെന്ന് കെ സുരേന്ദ്രൻ ചൂണ്ടിക്കാട്ടി.

2020 ജൂലൈ 02-ന് പ്രധാനമന്ത്രി സ്വനിധി പദ്ധതി കീഴിൽ വായ്പ നൽകൽ പ്രക്രിയ ആരംഭിച്ചത് മുതൽ, ഈ പദ്ധതിക്ക് കീഴിൽ ഏകദേശം 2 ദശലക്ഷം അപേക്ഷകളാണ് ലഭിച്ചിരിക്കുന്നത്. അതിൽ 7,52,191 എണ്ണം അനുവദിച്ചു, 2,18,751 വായ്പകൾ ഇതിനകം വിതരണം ചെയ്യുകയും ചെയ്തുവെന്നും അദ്ദേഹം കൂട്ടിച്ചേർത്തു.

ഫേസ്ബുക്ക് കുറിപ്പിന്റെ പൂർണ്ണരൂപം:

പ്രധാനമന്ത്രി സ്വനിധി പദ്ധതി; വഴിയോര കച്ചവടക്കാർക്ക് ഒരു കൈത്താങ്ങ്

വഴിയോര കച്ചവടക്കാർക്ക് വായ്പ നൽകുന്നതിനും സമഗ്രമായ വികസനത്തിനും സാമ്പത്തിക ഉന്നമനത്തിനും ലക്ഷ്യമിട്ട് കേന്ദ്ര സർക്കാർ വിഭാവനം ചെയ്ത പദ്ധതിയാണ് പ്രധാനമന്ത്രി സ്ട്രീറ്റ് വെണ്ടേഴ്‌സ് ആത്മനിർഭർ നിധി (പിഎം സ്വനിധി പദ്ധതി).

ഭവന, നഗരകാര്യ മന്ത്രാലയത്തിന്റെ കീഴിൽ വരുന്നതാണ് ഈ പദ്ധതി.
കൊവിഡ് മഹാമാരിയേ തുടർന്ന് ഏറ്റവും സാരമായി ബാധിച്ച വിഭാഗമാണ് വിഴിയോരകച്ചവടക്കാർ. ലോക്ക് ഡൗണിനെ തുടർന്ന് വഴിയോര കച്ചവടക്കാരുടെ വ്യാപാര സ്ഥാപനങ്ങൾ അടച്ചുപൂട്ടുകയോ കച്ചവടം കുറയുകയും ചെയ്തിരുന്നു.

ഏകദേശം 50 ലക്ഷത്തിലധികം വരുന്ന വഴിയോര കച്ചവടക്കാർക്കാണ് ഈ പദ്ധതികൊണ്ട് ഗുണം ചെയ്യുക. ഗ്രാമീണ-നഗര പ്രദേശങ്ങളിൽ ഇവരുടെ വ്യാപാരം പുനരാരംഭിക്കാൻ സഹായിക്കുന്നതിന് 10,000 രൂപ വരെയുള്ള പ്രവർത്തന മൂലധന വായ്പകൾ സുഗമമാക്കാനാണ് പദ്ധതികൊണ്ട് ഉദ്ദേശിക്കുന്നത്.

2020 ജൂലൈ 02-ന് പ്രധാനമന്ത്രി സ്വനിധി പദ്ധതി കീഴിൽ വായ്പ നൽകൽ പ്രക്രിയ ആരംഭിച്ചതുമുതൽ, ഈ പദ്ധതിക്ക് കീഴിൽ ഏകദേശം 2 ദശലക്ഷം അപേക്ഷകളാണ് ലഭിച്ചിരിക്കുന്നത്. അതിൽ 7,52,191 എണ്ണം അനുവദിച്ചു, 2,18,751 വായ്പകൾ ഇതിനകം വിതരണം ചെയ്യുകയും ചെയ്തു. പദ്ധതിയെ കുറിച്ചുള്ള സംശയങ്ങൾ നിങ്ങൾക്ക് കമന്റ് ആയി ചോദിക്കാം, സംശയങ്ങൾക്കുള്ള ഉത്തരം വിശദമായ വീഡിയോയാക്കി ഈ പേജിൽ തന്നെ അപ്ലോഡ് ചെയ്യുന്നതാണ്.