ബ്രഹ്മാണ്ഡ ചിത്രമായ പൊന്നിയിന് സെല്വനെ വരവേറ്റ് കേരളം. ചലച്ചിത്ര പ്രേമികളുടെ ഏറെനാളത്തെ കാത്തിരിപ്പിനൊടുവില് ഇന്ന് മുതല് കേരളത്തില് ശ്രീ ഗോകുലം മൂവിസിന്റെ ബാനറില് ഗോകുലം ഗോപാലനാണ് ചിത്രം അവതരിപ്പിക്കുന്നത്.
പ്രേക്ഷകര് ആവേശത്തോടെ കാത്തിരിക്കുന്ന ഈ ചിത്രത്തിന് ഗംഭീര പ്രതികരണമാണ് ടിക്കറ്റ് ബുക്കിങ് സൈറ്റുകളില് വഴി ലഭിക്കുന്നത്. മള്ട്ടിപ്ലക്സ് തീയേറ്ററുകള് എല്ലാം ആദ്യ ദിനം തന്നെ ഷോകള് ഹൗസ്ഫുള് ആണ്. തമിഴ്നാട്ടിലെ അതേ ആവേശം നിലനിര്ത്തി രാവിലെ നാലരക്ക് തന്നെ കേരളത്തിലെങ്ങും ഷോകള് ആരംഭിച്ചു. ഒട്ടേറെ പ്രതീക്ഷയോടെ അവതരിപ്പിക്കുന്ന ഈ സിനിമയ്ക്ക് പ്രേക്ഷകരുടെ പരിപൂര്ണ പിന്തുണ ഉണ്ടാകുമെന്നും റെക്കോര്ഡ് ബ്രേക്കിങ് ഹിറ്റ് ആകും എന്നും പ്രതീക്ഷിക്കുന്നതായി കേരള ഡിസ്ട്രിബ്യുട്ടര് ശ്രീ ഗോകുലം ഗോപാലന് അറിയിച്ചു.
അഞ്ഞൂറ് കോടി മുതല് മുടക്കില് എത്തുന്ന ഈ ബ്രഹ്മാണ്ഡ ചിത്രത്തില് സൂപ്പര് താരങ്ങളായ വിക്രം, കാര്ത്തി, ജയം രവി, ഐശ്വര്യ റായ്,തൃഷ തുടങ്ങിയ വലിയ താരനിരയാണുള്ളത്. മലയാളത്തിന്റെ പ്രിയപ്പെട്ട താരങ്ങളായ ജയറാം, ബാബു ആന്റണി, ഐശ്വര്യ ലക്ഷ്മി എന്നിവരും കേന്ദ്ര കഥാപാത്രങ്ങളെ അവതരിപ്പിക്കുന്ന ഈ ചിത്രത്തിന്റെ സംവിധാനം ഇന്ത്യയിലെ തന്നെ മികച്ച സംവിധായകനായ മണിരത്നം ആണ് നിര്വഹിക്കുന്നത്.