കൊച്ചി: ഓണ്ലൈന് അവതാരകയെ അപമാനിച്ചെന്ന പരാതിയില് അറസ്റ്റിലായിരുന്ന നടന് ശ്രീനാഥ് ഭാസി ലഹരി മരുന്ന് ഉപയോഗിച്ചോ എന്ന് പരിശോധിക്കുന്നതിനായി നടന്റെ നഖവും വേരോട് കൂടിയ മുടിയും രക്തവും പൊലീസ് ശേഖരിച്ചു. ഇത് പരിശോധനയ്ക്ക് അയക്കുമെന്നാണ് സൂചന.
അതേസമയം, ഇന്നലെ വൈകീട്ടോടെയാണ് നടനെ ജാമ്യത്തില് വിട്ടത്. അസഭ്യമായി താന് അവതാരകയോട് ഒന്നും പറഞ്ഞിട്ടില്ലെന്നാണ് ശ്രീനാഥ് ഭാസി പൊലീസിന് നല്കിയ മറുപടി. എന്നാല്, വനിതാകമ്മീഷനും പ്രൊഡ്യൂസേഴ്സ് അസോസിയേഷനും മാധ്യമപ്രവര്ത്തക പരാതി നല്കിയിട്ടുണ്ട്. ശ്രീനാഥ് ഭാസിക്കെതിരേയുള്ള കേസുമായി മുന്നോട്ടുപോകുമെന്നും തെളിവുകളെല്ലാം കൈയിലുണ്ടെന്നും പരാതിക്കാരി പറഞ്ഞു. ന്യായവും സത്യവും തന്റെ ഭാഗത്താണെന്ന ധൈര്യത്തിന്റെ പുറത്താണ് കേസുമായി മുന്നോട്ടുപോകാന് തീരുമാനിച്ചത്. ഇതുപോലെ നാളെ മറ്റൊരു ശ്രീനാഥ് ഭാസി ഉണ്ടാകരുത്. ആരോടും എന്തും പറയാമെന്നുള്ള അവസ്ഥയുണ്ടാകരുതെന്നും പ്രതികരിച്ചാല് മാത്രമേ ഇതിനെല്ലാം ഒരുമാറ്റം ഉണ്ടാവുകയുള്ളുവെന്നും പരാതിക്കാരി പറഞ്ഞു.
പരാതിയുടെ പൂര്ണരൂപം:
ആദ്യത്തെ ചോദ്യത്തിന് ടിയാന് വ്യക്തമായ ഉത്തരം തന്നില്ലെങ്കിലും രണ്ടാമത്തെ ചോദ്യമായ വീട്ടിലാരാണ് ചട്ടമ്ബി എന്നതിന് മറുപടിയായി ഉത്തരം തന്നെങ്കിലും നിങ്ങള് പ്ലാസ്റ്റിക് ചോദ്യങ്ങളാണ് ചോദിക്കുന്നതെന്നും ഇത്തരത്തില് ഇന്റര്വ്യൂവിന് ഇരിക്കാന് താല്പ്പര്യമില്ലെന്ന് പറയുകയുണ്ടായി. ഇപ്രകാരമുള്ള മറുപടി അന്ധാളിപ്പുണ്ടാക്കി എങ്കിലും ഞാനും എന്റെ സഹപ്രവര്തകരും തുടര്ന്നു. അടുത്ത ചോദ്യത്തോടുകൂടെ ടിയാന് യാതൊരു പ്രകോപനവും മര്യാദയും പാലിക്കാതെ ഞാന് സ്ത്രീയാണെന്നും ടി ഇന്റര്വ്യൂ ആണ് നടക്കുന്നതെന്നും പരിഗണിക്കാതെ ഇതുപോലുള്ള …… ചോദ്യങ്ങള് ചോദിക്കരുതെന്നും പറഞ്ഞ് ആക്രോശിക്കുകയും, ക്യാമറ ഓണ് ആണെന്നുള്ള ബോധ്യം വന്നതിനാല് അതിനു മുതിരാതെ ഞങ്ങളുടെ ക്യാമറാമാനോട് ക്യാമറ ഓഫ് ചെയ്യാന് ആക്രോശിച്ചു. അതിനു ശേഷം ക്യാമറ ഓഫ് ചെയ്യടാ …. എന്നും പറഞ്ഞ് ക്യാമറ നിര്ബന്ധപൂര്വ്വം ഓഫ് ചെയ്തിപ്പിക്കുകയായിരുന്നു. ക്യാമറ ഓഫ് ചെയ്തതിനുശേഷം ടിയാന് യാതൊരു മാന്യതയും കൂടാതെ കേട്ടാല് അറപ്പുളവാക്കുന്ന സഭ്യമല്ലാത്ത രീതിയില് തെറിവിളിക്കുകയും ചെയ്തു. ഇതുകണ്ട് പ്രൊഡ്യൂസര് അദ്ദേഹത്തെ മാറ്റിനിര്ത്തി സര്, ഇതൊരു ഫണ് ഇന്റര്വ്യൂ ആണ്.. സഹകരിക്കണം എന്ന് പറഞ്ഞപ്പോള് നിന്റെ …… എന്നായിരുന്നു മറുപടി.
ടിയാന് മനോനില തെറ്റിയതുപോലെ കൂടുതല് അക്രമാസക്തനാവുകയാണ് ചെയ്തത്. കൂടാതെ ഞങ്ങളെ ടിയാന് ……. എന്ന് വിളിക്കുകയും ഉണ്ടായി. യാതൊരു മാന്യതയും ഇല്ലാതെ പിന്നെയും……. തുടങ്ങിയ തെറികള് എന്റേയും എന്റെ സഹപ്രവര്ത്തകരേയും വിളിച്ചുകൊണ്ടിരുന്നതിനാല് അപമാനം സഹിക്ക വയ്യാതെയാണ് ഞങ്ങള് ഹോട്ടലില് നിന്നും തിരികെ പോന്നത്. ഈ സംഭവം ഒരു സ്ത്രീയെന്ന നിലയില് എന്റെ വ്യക്തിത്വത്തെ അപമാനിക്കുകയും, എനിക്ക് വലിയ മാനസികബുദ്ധിമുട്ട് ഉണ്ടാക്കുകയും ചെയ്തു. ആയതിനാല് എന്നേയും എന്റെ മെമ്ബേഴ്സിനേയും തെറി വിളിക്കുകയും എന്നെ സ്ത്രീ എന്ന പരിഗണന പോലുമില്ലാതെ അപമാനിക്കണമെന്ന ഉദ്ദേശത്തില് അധിക്ഷേപിച്ചതിനും എന്നെ തടഞ്ഞതിനും ഞാന് ചെയ്യുന്ന ജോലിയെ അപമാനിക്കുകയും അതുവഴി ഒരു മോശപ്പെട്ട സ്ത്രിയായി ഉപമിച്ചതിനും മാനഹാനി വരുത്തിയതിനും ജോലി തടസ്സപ്പെടുത്തിയതിനും ടിയാന് ചെയ്ത കുറ്റത്തിനെതിരെ നിയമപരമായ നടപടി സ്വീകരിച്ച് ഈ പ്രശ്നത്തിന് ഒരു തീര്പ്പുണ്ടാക്കി തരണമെന്ന് അപേക്ഷിക്കുന്നു.
ചട്ടമ്ബി സിനിമയുടെ പ്രമോഷന് അഭിമുഖത്തിനിടെയാണ് ചീത്തവിളി നടന്നത്. ഒരു ചോദ്യത്തിന് ശേഷം ഇംഗ്ലീഷില് പച്ച തെറി വിളിച്ചു കൊണ്ട് പൊട്ടിതെറിക്കുകയായിരുന്നു നടന്. അതിനിടെ, മറ്റൊരു അഭിമുഖത്തില് നടന് അവതാരകനെ യാതൊരു പ്രകോപനവുമില്ലാതെ അസഭ്യം പറയുന്നതിന്റെ വീഡിയോ സമൂഹമാധ്യമങ്ങളില് പ്രചരിച്ചിരുന്നു. ഇതുകൂടി മുന്നിര്ത്തിയാണ് നിലവിലെ നടപടികള്.