ഡല്‍ഹി കേരള ഹൗസിലെ ഓണാഘോഷത്തില്‍ കേന്ദ്രമന്ത്രി വി മുരളീധരനേയും സിപിഐ ജനറല്‍ സെക്രട്ടറി ഡി രാജയേയും ഓണാഘോഷ പരിപാടിയിലേക്ക് ക്ഷണിച്ചിട്ടില്ലെന്ന് ആക്ഷേപം. എന്നാല്‍, കേന്ദ്രസഹമന്ത്രി രാജീവ് ചന്ദ്രശേഖരനെയും സിപിഐഎം ജനറല്‍ സെക്രട്ടറി സീതാറാം യെച്ചൂരിയെയും പരിപാടിയിലേക്ക് ക്ഷണിച്ചിട്ടുണ്ട്. കേരള ഹൗസിലെ റസിഡന്റ് കമ്മിഷണറും കേരള ഹൗസ് കണ്‍ട്രോളറുമാണ് അതിഥികള്‍ക്ക് ക്ഷണക്കത്ത് അയച്ചിരിക്കുന്നത്.
അതേസമയം, ഓണാഘോഷത്തിലേക്ക് പ്രമുഖരെ ക്ഷണിച്ചതിന്റെ മാനദണ്ഡമെന്താണെന്ന് വ്യക്തതയില്ലാത്തതാണ് ആശയക്കുഴപ്പമുണ്ടാക്കുന്നത്. എന്നാല്‍, സുരക്ഷ കാര്യങ്ങള്‍ പരിഗണിച്ചാണ് മന്ത്രിമാരെ ഉള്‍പ്പെടെ ക്ഷണിച്ചതെന്നാണ് കേരള ഹൗസ് വിശദീകരിക്കുന്നത്.