കണ്ണുകളുടെ ആരോഗ്യ സംരക്ഷണം; കഴിക്കാം ഈ ഭക്ഷണങ്ങൾ….

On: September 3, 2022

കണ്ണുകളുടെ ആരോഗ്യ സംരക്ഷണത്തിൽ ഭക്ഷണ രീതിയ്ക്ക് വലിയ പങ്കാണുള്ളത്. ല്യൂട്ടിൻ, സിയാക്‌സാന്തിൻ, ബീറ്റാ കരോട്ടിൻ, വിറ്റാമിൻ എ, സിങ്ക്, വിറ്റാമിൻ സി, വിറ്റാമിൻ ഇ, ഒമേഗ -3 ഫാറ്റി ആസിഡ് തുടങ്ങിയ ഘടകങ്ങൾ കണ്ണിന്റെ ആരോഗ്യത്തിന് അത്യന്താപേഷിതമാണ്. കണ്ണിന്റെ ആരോഗ്യം മെച്ചപ്പെടുത്താൻ കഴിക്കേണ്ട ഭക്ഷണങ്ങളേതൊക്കെയാണെന്ന് നോക്കാം.

ബദാം

കണ്ണിന്റെ ആരോഗ്യത്തിന് ഏറെ പ്രയോജനപ്രദമാണ് ബദാം. ബദാമിൽ വിറ്റാമിൻ ഇ ധാരാളം അടങ്ങിയിട്ടുണ്ട്. വിറ്റാമിൻ ഇ ശരീരകലകളെ നശിപ്പിക്കുന്ന അനിയന്ത്രിതമായ പദാർത്ഥങ്ങൾക്കെതിരെ പ്രതിരോധിക്കും. വിറ്റാമിൻ ഇ പതിവായി കഴിക്കുന്നത് തിമിരവും പ്രായവുമായി ബന്ധപ്പെട്ട മാക്യുലർ ഡീജനറേഷനും തടയും.

മുട്ട

കണ്ണിന്റെ ആരോഗ്യ സംരക്ഷണത്തിന് മുട്ട കഴിക്കുന്നതും നല്ലതാണ്. മുട്ടയിലുള്ള ല്യൂട്ടിൻ, സിയാക്‌സാന്തിൻ എന്നിവ പ്രായാധിക്യം മൂലം ഉണ്ടാകുന്ന തിമിരം പോലുള്ള അസുഖങ്ങളെ പ്രതിരോധിക്കും. മുട്ടയിലുള്ള വിറ്റാമിൻ എ, സിയാക്‌സാന്തിൻ, സിങ്ക് തുടങ്ങിയവയും കണ്ണിന്റെ ആരോഗ്യത്തിന് പ്രധാനമാണ്.

കാരറ്റ്

വിറ്റാമിൻ എ, ബീറ്റ് കരോട്ടിൽ തുടങ്ങിയവയാൽ സമ്പന്നമാണ് കാരറ്റ്. ഈ ഘടകങ്ങൾ നേതൃസംബന്ധമായ പ്രശ്‌നങ്ങൾ പരിഹരിച്ച് കണ്ണിന് ആരോഗ്യമേകും.

എണ്ണമയമുള്ള മത്സ്യങ്ങളായ ട്യൂണ, സാൽമൺ, അയല, മത്തി എന്നിവയിൽ ലീൻ പ്രോട്ടീനുകളും ഒമേഗ -3 ഫാറ്റി ആസിഡുകളും അടങ്ങിയിട്ടുണ്ട്. ഇത് ഭക്ഷണത്തിൽ ഉൾപ്പെടുത്തുന്നതും കണ്ണുകൾക്ക് മികച്ചതാണ്.

Previous Post: ചൈനയിലെ തടവ് കേന്ദ്രങ്ങളില്‍ മുസ്ലീങ്ങളെ ലൈംഗികമായി പീഡിപ്പിക്കുന്നുവെന്ന് ഐക്യരാഷ്ട്ര സംഘടന

Next Post: ബൂട്ടിയക്ക് വന്‍ തോല്‍വി; അഖിലേന്ത്യാ ഫുട്‌ബോള്‍ ഫെഡറേഷന്‍ പ്രസിഡന്റായി കല്യാണ്‍ ചൗബെ

അവയവക്കടത്ത്; മുഖ്യകണ്ണി കൊച്ചി വിമാനത്താവളത്തിൽ പിടിയിൽ

കൊച്ചി: അവയവക്കടത്ത് സംഘത്തിലെ മുഖ്യകണ്ണി അറസ്റ്റിൽ. തൃശ്ശൂർ വലപ്പാട് സ്വദേശി സബിത്ത് നാസർ ആണ് അറസ്റ്റിലായത്. നെടുമ്പാശ്ശേരി വിമാനത്താവളത്തിൽ നിന്നാണ് ഇയാളെ പിടികൂടിയത്. അവയവക്കച്ചവടത്തിനായി ആളുകളെ വിദേശത്തേയ്ക്ക് കടത്തിയ സംഘത്തിലെ പ്രധാന കണ്ണിയാണ് ഇയാൾ എന്നാണ് അധികൃതർ വ്യക്തമാക്കുന്നത്. ഇരകളെ കള്ളം പറഞ്ഞ് വിശ്വസിപ്പിച്ച് വിദേശത്തേക്ക് കടത്തുകയും പിന്നീട് വൃക്ക കച്ചവടം നടത്തുകയുമായിരുന്നു സംഘം ചെയ്തിരുന്നത്. ആദ്യം നെടുമ്പാശ്ശേരിയിൽ നിന്ന് കുവൈത്തിലേക്കും അവിടെ നിന്ന് ഇറാനിലേക്കുമാണ് ആളുകളെ കൊണ്ടുപോയിരുന്നത്. ഇങ്ങനെ അവയവക്കടത്തിനായി ആളുകളെ കൊണ്ടുപോയി തിരികെ വരുംവഴിയാണ് സബിത്ത് നാസർ പിടിയിലായത്. ഇയാൾക്കെതിരെ അവയവ കടത്ത് നിരോധന നിയമപ്രകാരം കേസെടുത്തതായി പോലീസ് അറിയിച്ചു. അന്താരാഷ്ട്ര മാഫിയയുടെ ഭാഗമാണ് ഇയാളെന്നാണ് പോലീസിന്റെ നിഗമനം. സംഭവത്തിൽ വിശദമായ അന്വേഷണം നടത്തുമെന്ന് പോലീസ് അറിയിച്ചു. കേസിൽ വരും ദിവസങ്ങളിൽ കൂടുതൽ പേർ കുടുങ്ങുമെന്നും അധികൃതർ വിലയിരുത്തുന്നു.
ഫോണിലേക്ക് അനാവശ്യമായി കോളുകൾ വരാറുണ്ടോ; പരിഹാരം ഉടനെന്ന് റിപ്പോർട്ട്

ഫോണിലേക്ക് അനാവശ്യമായി വരുന്ന കോളുകൾ സന്ദേശങ്ങളും വരാറുണ്ടോ. ഇങ്ങനെ ബുദ്ധിമുട്ടുന്നവർക്ക് ഇതാ ഒരു സന്തോഷ വാർത്ത. സ്പാം കോളുകളെയും സന്ദേശങ്ങളെയും നിയന്ത്രിക്കാനൊരുങ്ങുകയാണ് കേന്ദ്രസർക്കാരെന്നാണ് പുറത്തു വരുന്ന റിപ്പോർട്ടുകൾ. ഉപഭോക്താക്കളുടെ സമ്മതമില്ലാതെ വാണിജ്യ ആവശ്യങ്ങളുമായി ബന്ധപ്പെട്ട് വരുന്ന ഫോൺകോളുകൾക്കും സന്ദേശങ്ങൾക്കുമാണ് തടയിടുക. ഇതിനുള്ള മാർഗനിർദേശങ്ങളുടെ കരട് കേന്ദ്രസർക്കാർ തയ്യാറാക്കിയതായാണ് വിവരം. കരട് മാർഗനിർദേശങ്ങൾ തയ്യാറാക്കിയിരിക്കുന്നത് ഫെബ്രുവരിയിൽ ഉപഭോക്തൃ മന്ത്രാലയം രൂപം നൽകിയ സബ് കമ്മിറ്റിയാണ്. മെയ് 10ന് ഉപഭോക്തൃകാര്യ മന്ത്രാലയം രൂപീകരിച്ച കമ്മിറ്റിയുമായി ഇത് സംബന്ധിച്ച് ചർച്ച നടത്തിയിരുന്നു. ടെലികോം വകുപ്പ്, ട്രായ്, സെല്ലുലാർ ഓപ്പറേറ്റേഴ്‌സ് അസോസിയേഷൻ, ബിഎസ്എൻഎൽ, വോഡഫോൺ, റിലയൻസ്, എയർടെൽ എന്നിവരുടെ പ്രതിനിധികളും ചർച്ചയിൽ പങ്കെടുത്തു. വാണിജ്യ ആവശ്യങ്ങൾക്കായി ഉപഭോക്താക്കൾക്കെത്തുന്ന കോളുകളുടെ ഉപയോഗം, ആവശ്യവും അനാവശ്യവുമായവ വേർതിരിക്കാനും നിയമ ലംഘനം നടത്താത്തവയാണെന്ന് ഉറപ്പുവരുത്താനുമുള്ള മാർഗ നിർദേശങ്ങൾ ഇതിൽ ഉൾപ്പെടുന്നുവെന്ന വിവരവും പുറത്തു വരുന്നുണ്ട്.
വിവാദ തനിനിറവരകൾ(No:20)

ജി‌. ശേഖരന്‍ നായര്‍ : കാലത്തിനു മുമ്പേ കടന്നു പോയ കാർട്ടൂണുകൾ അടിയന്തിരാവസ്ഥ കാലത്ത് ഡൽഹിയിൽ നടന്ന അതിക്രമങ്ങളെ കുറിച്ച് അന്നെഷണം നടത്തി വന്നിരുന്ന ഷാ കമ്മീഷൻ ഇടക്ക് വച്ചു നിർത്താൻ ആലോചിച്ചു. ഇന്ദിരക്ക് ഇഷ്ടം ഇല്ലത്തതായിരുന്നു കാരണം
പ്രായപൂർത്തിയാകാത്ത പെൺകുട്ടിക്ക് നേരെ ലൈംഗിക അതിക്രമം; തൃണമൂൽ പ്രവർത്തകൻ അറസ്റ്റിൽ

കൊൽക്കത്ത: പ്രായപൂർത്തിയാകാത്ത പെൺകുട്ടിക്ക് നേരെ ലൈംഗിക അതിക്രമം നടത്തി തൃണമൂൽ കോൺഗ്രസ് നേതാവ്. പശ്ചിമ ബംഗാളിലെ സന്ദേശ്ഖാലിയിലാണ് സംഭവം. സംഭവവുമായി ബന്ധപ്പെട്ട് 20 കാരനായ തൃണമൂൽ പ്രവർത്തകനെ പൊലീസ് അറസ്റ്റ് ചെയ്തു. വീട്ടിൽ അതിക്രമിച്ച് കയറിയ പ്രതി എട്ടാം ക്ലാസുകാരിയെ ഉപദ്രവിക്കുകയായിരുന്നുവെന്നാണ് പെൺകുട്ടിയുടെ അമ്മ പോലീസിന് നൽകിയിരിക്കുന്ന മൊഴി. പ്രതിയുടെ കയ്യിൽ നിന്നും രക്ഷപ്പെട്ട് ഓടിയ പെൺകുട്ടി ബഹളം വച്ചതിനെത്തുടർന്ന് വീട്ടുകാരും അയൽവാസികളും സഹായത്തിനെത്തുകയായിരുന്നു. തുടർന്ന് പോലീസെത്തി പ്രതിയെ അറസ്റ്റ് ചെയ്തു. പെൺകുട്ടിയെ വൈദ്യ പരിശോധനകൾക്ക് വിധേയമാക്കി. ഇതിന്റെ റിപ്പോർട്ട് ഉടൻ ലഭ്യമാകുമെന്നും പ്രതിയെ കസ്റ്റഡിയിൽ ചോദ്യം ചെയ്ത് വരികയാണെന്നും പോലീസ് വ്യക്തമാക്കി. നേരത്തെ തൃണമൂൽ കോൺഗ്രസിന്റെ ഗുണ്ടാ നേതാവ് ഷാജഹാൻ ഷെയ്ഖിന്റെ നേതൃത്വത്തിൽ സന്ദേശ്ഖാലിയിൽ നടന്ന ലൈംഗിക അതിക്രമങ്ങൾ വലിയ പ്രതിഷേധങ്ങക്കിടയാക്കിയിരുന്നു. ഇതിന് പിന്നാലെയാണ് വീണ്ടും ഇത്തരത്തിലുള്ള വാർത്തകൾ പുറത്തു വരുന്നുണ്ട്.
റായ്ബറേലിയെ ഉപേക്ഷിച്ച സോണിയ മണ്ഡലം മകന് കൈമാറി; പരിഹാസവുമായി പ്രധാനമന്ത്രി

റാഞ്ചി: കോൺഗ്രസ് നേതാക്കാളായ സോണിയാ ഗാന്ധിയ്ക്കും രാഹുൽ ഗാന്ധിക്കുമെതിരെ ആഞ്ഞടിച്ച് പ്രധാനമന്ത്രി നരേന്ദ്രമോദി. റായ്ബറേലിയെ ഉപേക്ഷിച്ച സോണിയ മണ്ഡലം തന്റെ മകന് കൈമാറിയെന്ന് അദ്ദേഹം പരിഹസിച്ചു. മണ്ഡലത്തിൽ ദീർഘനാളായി പ്രവർത്തിച്ച ഒരു പാർട്ടി പ്രവർത്തകനെ കണ്ടെത്താൻ അവർക്കായില്ലേയെന്ന് അദ്ദേഹം ചോദിച്ചു. ജംഷേദ്പുരിലെ റാലിയിൽ സംസാരിക്കുകയായിരുന്നു അദ്ദേഹം. സോണിയ ഗാന്ധി കോവിഡിനു ശേഷം ഒരിക്കൽപോലും റായ്ബറേലി സന്ദർശിച്ചിട്ടില്ല. ഇപ്പോൾ അവർ സ്വന്തം മകനുവേണ്ടി വോട്ട് ചോദിക്കുകയാണ്. അവരുടെ കുടുംബസ്വത്തായിട്ടാണ് റായ്ബറേലിയെ അവർ കരുതുന്നതെന്ന് അദ്ദേഹം വിമർശിച്ചു. റായ്ബറേലിയിൽ മത്സരിക്കുന്നതിനായി കോൺഗ്രസിന്റെ രാജകുമാരൻ പറന്നെത്തിയിരിക്കുകയാണ്. ഇത് തന്റെ അമ്മയുടെ സീറ്റാണെന്ന് പറഞ്ഞ് നടക്കുകയാണ് അദ്ദേഹം. അച്ഛൻ പഠിച്ച അതേ സ്‌കൂളിൽ പഠിക്കാൻ പോകുന്ന എട്ടു വയസ്സുകാരൻ പോലും ഇത് തന്റെ അച്ഛന്റെ സ്‌കൂളാണെന്ന് പറയില്ല. എന്നാൽ, ഈ കുടുംബം പാർലമെന്റ് സീറ്റുകളുടെ വിൽപ്പത്രം എഴുതിവയ്ക്കുകയാണ്. ഇത്തരം പാർട്ടികളിൽ നിന്ന് ജാർഖണ്ഡിനെ രക്ഷിക്കണമെന്ന് നരേന്ദ്ര മോദി ആഹ്വാനം ചെയ്തു.