നവാഗതനായ സജിമോന്റെ സംവിധാനത്തില് ഫഹദ് നായകനാകുന്ന പുതിയ ചിത്രമാണ് ‘മലയന്കുഞ്ഞ്’. എ.ആര് റഹ്മാന് ആണ് ചിത്രത്തിന്റെ സംഗീത സംവിധാനം. വര്ഷങ്ങള്ക്ക് ശേഷമാണ് എ.ആര് റഹ്മാന് വീണ്ടും ഒരു മലയാളം ചിത്രത്തിനായി സംഗീതം ഒരുക്കുന്നത്. ‘യോദ്ധ’യാണ് ഇതിന് മുന്പ് അദ്ദേഹം സംഗീതം നിര്വഹിച്ച മലയാളം സിനിമ.
വിജയ് യേശുദാസ് ആണ് ചിത്രത്തിലെ ഗാനം ആലപിച്ചിരിക്കുന്നത്. ഗാനത്തിന് വരികള് എഴുതിയിരിക്കുന്നത് വിനായക് ശശികുമാര് ആണ്. ചിത്രത്തിന്റെ രചനയും ഛായാഗ്രഹണവും മഹേഷ് നാരായണനാണ്. ഫാസില് നിര്മ്മിക്കുന്നു എന്ന പ്രത്യേകതയുമുണ്ട്. രജിഷ വിജയന് നായികയാവുന്ന ചിത്രത്തില് ഇന്ദ്രന്സ്, ജാഫര് ഇടുക്കി, ദീപക് പറമ്ബോല് തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു.