കുര്ട്ടേന് ഗെയിംസില് ജാവലിന് ത്രോയില് വിജയിച്ചു കൊണ്ട് ഒളിമ്ബിക് ചാമ്ബ്യന് നീരജ് ചോപ്ര ഈ സീസണിലെ തന്റെ ആദ്യത്തെ ടോപ്പ് പോഡിയം ഫിനിഷ് നേടി. 24 കാരനായ ചോപ്രയുടെ ഓപ്പണിംഗ് ത്രോ 86.69 മീറ്റര് വിജയ ദൂരമായി മാറി. ട്രിനിഡാഡ് ആന്ഡ് ടൊബാഗോയുടെ 2012 ഒളിമ്ബിക്സ് ചാമ്ബ്യന് കെഷോണ് വാല്ക്കോട്ട് ആദ്യ റൗണ്ടില് 86.64 മീറ്റര് എറിഞ്ഞ് രണ്ടാമതെത്തി.
ഓപ്പണിംഗ് റൗണ്ടില് എത്തിയ പീറ്റേഴ്സ് 84.75 മീറ്റര് എറിഞ്ഞ് മൂന്നാമതെത്തി. ചോപ്രയുടെ രണ്ടാമത്തെയും മൂന്നാമത്തെയും ശ്രമങ്ങള് ഫൗളായിരുന്നു, മൂന്ന് ത്രോകള് മാത്രമാണ് അദ്ദേഹം നടത്തിയത്. ജൂണ് 30ന് നടക്കുന്ന സ്റ്റോക്ക്ഹോം ഡയമണ്ട് ലീഗിന് മുമ്ബായി ഈ വിജയം അദ്ദേഹത്തിന്റെ ആത്മവിശ്വാസം വര്ധിപ്പിക്കും.