ആരാധകരെയെല്ലാം നിരാശയിലാഴ്ത്തുന്ന വെളിപ്പെടുത്തലാണ് സംഗീത ബാന്ഡായ ബിടിഎസ് ഇപ്പോള് നടത്തിയിരിക്കുന്നത്. അനിശ്ചിതകാല ഇടവേള പ്രഖ്യാപിച്ചിരിക്കുകയാണ് കെ പോപ്പ് താരങ്ങള്. വ്യക്തിഗത കരിയര് പിന്തുടരുന്നതിന് വേണ്ടിയാണ് ഇടവേള എടുക്കുന്നതെന്നാണ് ബിടിഎസ് അറിയിച്ചിരിക്കുന്നത്. ബാന്ഡ് രൂപീകരിച്ച് ഒന്പത് വര്ഷം പൂര്ത്തിയാക്കിയ വേളയില് നടത്തിയ പ്രത്യേക അത്താഴ വിരുന്ന് ‘ഫെസ്റ്റ 2022ന്’ ശേഷമാണ് ബിടിഎസിന്റെ പുതിയ പ്രഖ്യാപനം.
ബാങ്താന് സൊന്യോന്ദാന് അഥവാ ബുള്ളറ്റ് പ്രൂഫ് ബോയ് സ്കൗട്ട്സ് എന്നാണ് ബിടിഎസിന്റെ പൂര്ണ്ണരൂപം. ആര്എം, ജെ-ഹോപ്പ്, ജിന്, സുഗ, പാര്ക്ക് ജി-മിന്, വി, ജംഗ്കൂക്ക് എന്നിവരാണ് ഇതില് അംഗങ്ങള്.
അതേസമയം, തങ്ങള് എന്നെങ്കിലും മടങ്ങിവരുമെന്നും സംഘം ആരാധകരോട് പറഞ്ഞു. സംഘാംഗങ്ങള് വികാരഭരിതരാകുകയും ചെയ്യുന്നുണ്ട്. കുറച്ചു കാലത്തിനു ശേഷം ബിടിഎസ് വീണ്ടും ഒരുമിക്കുമെന്നും കൂടുതല് ആര്ജ്ജവത്തോടെ തിരികെ വരുമെന്നും ബാന്ഡ് അംഗം ജംഗൂക് ഉറപ്പു നല്കി. കഴിഞ്ഞ വര്ഷം ഏപ്രിലില് പുറത്തിറങ്ങിയ ‘ഡൈനമൈറ്റ്’ എന്ന മ്യൂസിക് വീഡിയോയിലൂടെ ലോകമെമ്ബാടുമുള്ള സംഗീതാസ്വാദകര്ക്കിടയില് തരംഗം തീര്ക്കാന് ബിടിഎസിന് സാധിച്ചിരുന്നു.