ഐപിഎല് മത്സരങ്ങള് ആരംഭിക്കുന്നത് വൈകിട്ട് 7.30നാണ്. എന്നാല്, രണ്ട് മത്സരങ്ങളുള്ള ദിവസമാണെങ്കില് ആദ്യ പോരാട്ടം 3.30 നാണ് തുടങ്ങുക. പക്ഷേ ഐപിഎല്ലിലെ കളി സമയത്തില് അടുത്ത സീസണ് മുതല് മാറ്റമുണ്ടാകുമെന്ന സൂചനകള് പുറത്ത് വന്നിരിക്കുകയാണ് ഇപ്പോള്. 2023 സീസണ് മുതല് വൈകിട്ട് 8 മണിക്കും, രണ്ട് മത്സരങ്ങളുള്ള ദിവസം ആദ്യ മത്സരം വൈകിട്ട് 4 മണിക്കും ആരംഭിക്കാനുള്ള നീക്കത്തിലാണ് ബിസിസിഐ.
നിലവില് സ്റ്റാര് സ്പോര്ട്സിനാണ് ഐപിഎല്ലിന്റെ ബ്രോഡ്കാസ്റ്റിംഗ് അവകാശം. എന്നാല്, ഈ സീസണോടെ ഇത് അവസാനിക്കുകയാണ്. 2023 മുതല് 2027 വരെയുള്ള അഞ്ച് വര്ഷക്കാലത്തേത്തുള്ള ബ്രോഡ്കാസ്റ്റിംഗ് അവകാശങ്ങള്ക്കായി ഈ മാസം ലേലമുണ്ടാകും. പല വമ്ബന് മാധ്യമ കമ്ബനികളും ഇതിനായി രംഗത്തുണ്ട്. ഐപിഎല് സംപ്രേക്ഷണ അവകാശം സ്വന്തമാക്കാന് രംഗത്തുള്ള പാര്ട്ടികളോട് അടുത്ത സീസണ് മുതല് വൈകിട്ട് 8 മണിക്ക് മത്സരങ്ങള് ആരംഭിക്കുന്നതിനാണ് തങ്ങള് താല്പര്യപ്പെടുന്നതെന്ന് ബിസിസിഐ വ്യക്തമാക്കിയിട്ടുണ്ട്.