തിരുവനന്തപുരം: മലപ്പുറത്ത് വേദിയില് വെച്ച് പെണ്കുട്ടിയെ സമസ്ത നേതാവ് അപമാനിച്ച സംഭവത്തില് ബാലാവകാശ കമ്മീഷന് കേസെടുത്തു. പരിപാടിയുടെ സംഘാടകന് എന്ന നിലയില് സമസ്തയുടെ സെക്രട്ടറിയോട് രണ്ടാഴ്ചയ്ക്കുള്ളില് വിശദീകരണം നല്കാന് കമ്മിഷന് ആവശ്യപ്പെട്ടിട്ടുണ്ട്. പെരിന്തല്മണ്ണ പോലീസിനോടും ജില്ലാ ചൈല്ഡ് പ്രൊട്ടക്ഷന് ഓഫിസറോടും അടിയന്തരമായി റിപ്പോര്ട്ട് നല്കാനും നിര്ദ്ദേശമുണ്ട്.
മദ്രസ കെട്ടിടം ഉദ്ഘാടനം ചെയ്യുന്ന ചടങ്ങിലാണ് സര്ട്ടിഫിക്കറ്റ് വിതരണത്തിനായി പത്താം ക്ലാസ് വിദ്യാര്ഥിനിയെ സംഘാടകര് വേദിയിലേക്കു ക്ഷണിച്ചത്. പെണ്കുട്ടി എത്തി സര്ട്ടിഫിക്കറ്റ് സ്വീകരിച്ചതോടെ സമസ്ത നേതാവ് അബ്ദുല്ല മുസ് ലിയാര് കുപിതനായി സംസാരിക്കുകയായിരുന്നു. ഇതിന്റെ വിഡിയോ സമൂഹമാധ്യമങ്ങളില് വൈറലായിരുന്നു.