ന്യൂഡല്ഹി: നടിയെ ആക്രമിച്ച കേസില് വിചാരണ കോടതി ജഡ്ജി ഹണി എം. വര്ഗീസിനെ മാറ്റണമെന്നാവശ്യപ്പെട്ട് സുപ്രീംകോടതി ചീഫ് ജസ്റ്റിസിന് ജനനീതി സംഘടനയുടെ കത്ത്. ജഡ്ജിയെ കുറിച്ച് വിശദമായ അന്വേഷണം നടത്തണമെന്നാണ് സംഘടനയുടെ ചെയര്മാന് എന്. പദ്മനാഭന്, സെക്രട്ടറി ജോര്ജ് പുളികുത്തിയില് എന്നിവര് ചേര്ന്ന് നല്കിയ കത്തിലെ ആവശ്യം.
അതേസമയം, എസ് ശ്രീജിത്തിനെ ക്രൈംബ്രാഞ്ച് മേധാവി സ്ഥാനത്തു നിന്ന് നീക്കിയതോടെ നടിയെ ആക്രമിച്ച കേസിന്റെ അന്വേഷണ ചുമതലയില് നിന്നും മാറ്റിയോ എന്നതില് വ്യക്തത നല്കണമെന്ന് ഹൈക്കോടതിയുടെ നിര്ദ്ദേശമുണ്ട്. ഇക്കാര്യം വ്യക്തമാക്കി ഈ മാസം 19 നകം മറുപടി നല്കണമെന്നും കോടതി ആവശ്യപ്പെട്ടു. പുതിയ ക്രൈംബ്രാഞ്ച് മേധാവിക്ക് കേസ് അന്വേഷണ മേല്നോട്ട ചുമതല നല്കിയിട്ടുണ്ടോ എന്നും അറിയിക്കണം. എസ് ശ്രീജിത്തിനെ ക്രൈംബ്രാഞ്ച് മേധാവി സ്ഥാനത്തുനിന്ന് നീക്കിയതിനെതിരെ ബൈജു കൊട്ടാരക്കര നല്കിയ ഹര്ജിയിലാണ് ഹൈക്കോടതിയുടെ ഇടപെടല്.