മുംബൈ: ഐപിഎല്ലില് പഞ്ചാബ് കിംഗ്സിനെ ഒമ്പത് വിക്കറ്റിന് വീഴ്ത്തി ഡല്ഹി ക്യാപിറ്റല്സ് വീണ്ടും വിജയവഴിയില്.
ആദ്യം ബാറ്റ് ചെയ്ത് പഞ്ചാബ് ഉയര്ത്തിയ 116 റണ്സ് വിജയലക്ഷ്യം 10.3 ഓവറില് ഒരു വിക്കറ്റ് നഷ്ടത്തില് ഡല്ഹി മറികടന്നു. പവര് പ്ലേയില് തന്നെ വിക്കറ്റ് നഷ്ടമില്ലാതെ 81 റണ്സടിച്ച ഡല്ഹി ഓപ്പണര്മാരായ ഡേവിഡ് വാര്ണറും പൃഥ്വി ഷായും ചേര്ന്നാണ് വിജയം അനായാസമാക്കിയത്. 30 പന്തില് 60 റണ്സുമായി പുറത്താകാതെ നിന്ന ഡേവിഡ് വാര്ണറാണ് ഡല്ഹിയുടെ ടോപ് സ്കോറര്. സ്കോര് പഞ്ചാബ് 20 ഓവറില് 115-ന് ഓള് ഔട്ട്, ഡല്ഹി ക്യാപിറ്റല്സ് 10.3 ഓവറില് 119-1.
9.3 ഓവറുകള് ബാക്കി നിര്ത്തി നേടിയ വമ്ബന് ജയത്തോടെ നെറ്റ് റണ്റേറ്റ് മെച്ചപ്പെടുത്തിയ ഡല്ഹി ആറ് പോയന്റുമായി പോയന്റ് പട്ടികയില് എട്ടാം സ്ഥാനത്തു നിന്ന് ആറാം സ്ഥാനത്തേക്ക് കയറി.