‘അംബേദ്കര് ആന്റ് മോദി: റീഫോമേഴ്സ് ഐഡിയാസ് പെര്ഫോമേഴ്സ് ഇംപ്ലിമെന്റേഷന്’ എന്ന പുസ്തകത്തിന് മുഖവുരയില് ഇന്ത്യന് ഭരണഘടനയുടെ പിതാവും സാമൂഹ്യപരിഷ്കര്ത്താവുമായ ഡോക്ടര് ബി.ആര് അംബേദ്കറെയും പ്രധാനമന്ത്രി നരേന്ദ്രമോദിയെയും താരതമ്യം ചെയ്ത് സംഗീത സംവിധായകന് ഇളയരാജ.
‘സമൂഹത്തിലെ അധഃസ്ഥിത വിഭാഗത്തില് നിന്ന് പ്രതിസന്ധികളോട് പോരാടി വിജയിച്ചവരാണ് ഇരുവരും. പട്ടിണിയും അടിച്ചമര്ത്തുന്ന സാമൂഹ്യ വ്യവസ്ഥയും ഇരുവരും നേരിട്ടിട്ടുണ്ട്. അവയെ ഇല്ലാതാക്കുന്നതിന് ഇരുവരും പ്രവര്ത്തിച്ചു. ഇരുവരും ഇന്ത്യയ്ക്ക് വേണ്ടി വലിയ സ്വപ്നങ്ങള് കണ്ടു. എന്നാല്, ഇരുവരും പ്രായോഗികതയിലും പ്രവൃത്തിയിലും വിശ്വസിക്കുന്നവരായിരുന്നു. സമൂഹത്തിന്റെ മാറ്റത്തിനായും സ്ത്രീകളുടെ ഉന്നമനത്തിനായും കൊണ്ടുവന്ന മുത്തലാഖ് നിരോധനം, ബേട്ടി ബചാവോ ബേടി പഠാവോ തുടങ്ങിയവയിലൂടെ അംബേദ്കര് മോദിയെക്കുറിച്ച് അഭിമാനമുണ്ട്’- ഇളയരാജ കൂട്ടിച്ചേര്ത്തു.
അതേസമയം, വിഷയത്തില് ഇളയരാജയെ വിമര്ശിച്ച് ഡി.എം.കെ. നേതാക്കളടക്കം ഒട്ടേറെ പേര് രംഗത്തെത്തി. അംബേദ്കര് വര്ണവിവേചനവും മനുധര്മവും അടിച്ചമര്ത്തിയ ദളിതരുടെ ഉന്നമനത്തിന് വേണ്ടി പ്രവര്ത്തിച്ച വ്യക്തിയാണെന്നും മോദി മനു ധര്മത്തില്നിന്നാണ് വന്നതെന്നും ഡി.എം.കെ. നേതാവ് ഡി.എസ്.കെ. ഇളങ്കോവന് ചൂണ്ടിക്കാട്ടി.