ഇസ്ലാമാബാദ്: പ്രതിസന്ധി ഘട്ടത്തെ എങ്ങനെ നേരിടണമെന്ന് തനിക്ക് വ്യക്തമായ ധാരണയുണ്ടെന്ന് പാക് പ്രധാനമന്ത്രി ഇമ്രാൻ ഖാൻ. തന്റെ ആളുകൾ കരുതലോടെയും ജീവനോടെയും ഇരിക്കാനാണ് താൻ ആഗ്രഹിക്കുന്നതെന്നും മറ്റേതെങ്കിലും രാജ്യത്താണ് ഇതെല്ലാം സംഭവിക്കുന്നതെങ്കിലും ജനങ്ങൾ ഇതിനോടകം തെരുവിലിറങ്ങുമായിരുന്നുവെന്നും അദ്ദേഹം പറഞ്ഞു.
നിങ്ങളെല്ലാവരും ഇന്നും നാളെയും തെരുവിൽ ഇറങ്ങണമെന്ന് ഞാൻ ആവശ്യപ്പെടുകയാണ്. നിങ്ങളുടെ മനഃസാക്ഷിക്കു വേണ്ടിയും രാജ്യത്തിന്റെ താൽപര്യത്തിനു വേണ്ടിയും ഇത് ചെയ്യണം. ഒരു പാർട്ടിയും അങ്ങനെ ചെയ്യാൻ നിങ്ങളെ നിർബന്ധിക്കില്ല. നിങ്ങളുടെ കുഞ്ഞുങ്ങളുടെ ഭാവിക്കു വേണ്ടി നിങ്ങൾ തെരുവിലിറങ്ങണമെന്നും അദ്ദേഹം വ്യക്തമാക്കി.
ഇപ്പോഴുണ്ടായ എല്ലാ പ്രതിസന്ധികൾക്കും പിന്നിൽ വിദേശ ശക്തികളുടെ ഗൂഢാലോചനയാണെന്നും അദ്ദേഹം ആരോപിച്ചു. ഞായറാഴ്ച്ച പാകിസ്താനിൽ വിശ്വാസ് വോട്ടെടുപ്പ് നടക്കാനിരിക്കെയാണ് ഇമ്രാൻ ഖാന്റെ പ്രതികരണം.