കോട്ടയം: കേരള അക്കാദമി ഫോർ സ്കിൽ എക്സലൻസ് ജില്ലാ ഭരണകൂടവുമായി ചേർന്ന് മാർച്ച് 24 ന് നടത്തുന്ന മെഗാ ജോബ് ഫെയറിൽ പങ്കെടുക്കുന്ന തൊഴിൽ ദാതാക്കൾക്കും ഉദ്യോഗാർത്ഥികൾക്കും മാർച്ച് 21 വരെ www.statejobportal.kerala.gov.in എന്ന പോർട്ടലിൽ രജിസ്റ്റർ ചെയ്യാം. നാട്ടകം ഗവൺമെന്റ് കോളജിലാണ് ജോബ് ഫെയർ നടക്കുക.
വൻകിട – ചെറുകിട വ്യവസായ സ്ഥാപനങ്ങൾ, സംരംഭകർ, വിദ്യാഭ്യാസ, ആരോഗ്യ, ബാങ്കിംഗ്, ഐ.റ്റി., ടൂറിസം, ഹോസ്പിറ്റാലിറ്റി, ഓട്ടോമോട്ടീവ് തുടങ്ങിയ മേഖലകളിലെ തൊഴിൽദാതാക്കൾക്കും എസ്.എസ്.എൽ,സി, പ്ലസ് ടു, ഐ.റ്റി.ഐ, ഡിപ്ലോമ, ഡിഗ്രി, പി.ജി., വിവിധ ഹ്രസ്വകാല നൈപുണ്യ കോഴ്സുകൾ എന്നിവ പൂർത്തിയാക്കിയ ഉദ്യോഗാർത്ഥികൾക്കും ജോബ് ഫെയറിൽ പങ്കെടുക്കാം. കൂടുതൽ വിവരങ്ങൾക്ക് 9447881901 എന്ന ഫോൺ നമ്പറിൽ ബന്ധപ്പെടാം.