നടിയെ ആക്രമിച്ച കേസില് വീണ്ടും ദിലീപിന് തിരിച്ചടി. തുടരന്വേഷണം റദ്ദാക്കണമെന്ന ദിലീപിന്റെ ഹര്ജി ജസ്ററിസ് കൗസര് എടപ്പഗത്തിന്റെ സിംഗിള് ബെഞ്ച് തള്ളി. ഏപ്രില് 15നകം തുടരന്വേഷണ റിപ്പോര്ട്ട് സമര്പ്പിക്കാനും ഹൈക്കോടതി ഉത്തരവിട്ടു.
നടിയെ ആക്രമിച്ച ദൃശ്യങ്ങള് ദിലീപ് കണ്ടുവെന്നതിന് താന് സാക്ഷിയാണെന്നായിരുന്നു സംവിധായകന് ബാലചന്ദ്രകുമാറിന്റെ വെളിപ്പെടുത്തല്. ഇതിന്റെ അടിസ്ഥാനത്തിലാണ് ക്രൈംബ്രാഞ്ച് കേസിലെ തുടരന്വേഷണവുമായി മുന്നോട്ടുപോയത്. എന്നാല്, വിചാരണ നീട്ടിക്കൊണ്ടുപോകാനുള്ള തന്ത്രമാണ് അന്വേഷണ സംഘത്തിന്റേതെന്നായിരുന്നു ദിലീപിന്റെ വാദം.
ബാലചന്ദ്രകുമാറിന്റെ വെളിപ്പെടുത്തലുകളുടെ അടിസ്ഥാനത്തില് കേസില് തുടരന്വേഷണം പൂര്ത്തിയാക്കാന് മാര്ച്ച് ഒന്നു വരെയാണ് എറണാകുളം അഡി. സ്പെഷ്യല് സെഷന്സ് കോടതി സമയം നല്കിയിരുന്നത്. സത്യം പുറത്തു വരാനായി തുടരന്വേഷണം അനിവാര്യമാണെന്ന് ഹര്ജിയില് കക്ഷി ചേര്ന്ന നടിയും കോടതിയെ അറിയിച്ചിരുന്നു.