പ്രണവ് മോഹൻലാൽ ചിത്രം ഹൃദയത്തിന് വലിയ പ്രേക്ഷക സ്വീകാര്യതയാണ് ലഭിച്ചിരുന്നത്. ചിത്രത്തിലെ പാട്ടുകളെല്ലാം വലിയ ഹിറ്റായി മാറിയിരിക്കുകയാണ്. ഇപ്പോൾ ചിത്രത്തിലെ ദർശന എന്ന പാട്ട് ചെയ്തതിനെ കുറിച്ച് ഒരു ചെറിയ ഡോക്യുമെന്ററി വീഡിയോ പുറത്തുവിട്ടിരിക്കുകയാണ് വിനീത് ശ്രീനിവാസൻ.
‘ദർശന’ എന്ന ഗാനം മൂന്ന് കോടിയിലധികം പേർ കണ്ടതിന്റെ ഭാഗമായിട്ടാണ് ഇപ്പോൾ ഡോക്യുമെന്ററി പുറത്തുവിട്ടിരിക്കുന്നത്. സംവിധായകൻ വിനീത് ശ്രീനിവാസനും സംഗീത സംവിധായകൻ ഹിഷാം അബ്ദുൾ വഹാബും ഉൾപ്പെടെയുള്ളവർ സംസാരിക്കുന്നതാണ് ഡോക്യുമെന്ററിയിലുള്ളത്. ഹിഷാം ആണ് ദർശന എന്ന ഗാനം ആലപിച്ചത്. പ്രണവ് മോഹൻലാലും ദർശനയും കംഫർട്ടാകാൻ. ഗാനം ഷൂട്ട് ചെയ്യുമ്പോൾ എല്ലാവരും ഒന്ന് ചേർന്ന് ഡാൻസ് ചെയ്തിരുന്നുവെന്ന് വിനീത് ശ്രീനിവാസൻ ഡോക്യുമെന്ററി വീഡിയോയിൽ വെളിപ്പെടുത്തുന്നു.
പ്രണവ് മോഹൻലാൽ, കല്യാണി പ്രിയദർശൻ, അരുൺ കുര്യൻ, പ്രശാന്ത് നായർ, ജോജോ ജോസ്, ദർശന തുടങ്ങിയവരാണ് ചിത്രത്തിൽ പ്രധാന വേഷത്തിലെത്തുന്നത്. ജനുവരി 21 നായിരുന്നു ചിത്രം തിയേറ്ററുകളിൽ റിലീസ് ചെയ്തത്. കോവിഡ് വെല്ലുവിളികൾ നിലനിൽക്കുന്നതിനിടയിലും സാമ്പത്തികമായി വിജയം നേടാൻ ചിത്രത്തിന് കഴിഞ്ഞിരുന്നു.
ഡിസ്നി പ്ലസ് ഹോട്ട്സ്റ്റാറിലൂടെ ഫെബ്രുവരി 18 നാണ് ചിത്രം ഒടിടിയിലും റിലീസ് ചെയ്തിരുന്നു. തിയറ്റർ റിലീസിന്റെ 25-ാം ദിനത്തിലാണ് ഒടിടി റിലീസ് ചെയ്തത്.