തിരുവനന്തപുരം: രക്ഷാദൗത്യത്തിന്റെ ഭാഗമായി യുക്രൈനില് നിന്ന് ഡല്ഹിയില് എത്തുന്നവരെ കേരളത്തിലെത്തിക്കാന് മൂന്ന് ചാര്ട്ടേഡ് വിമാനങ്ങള് സംസ്ഥാന സര്ക്കാര് ഏര്പ്പെടുത്തിയതായി മുഖ്യമന്ത്രി പിണറായി വിജയന് അറിയിച്ചു. രാവിലെ 9.30, ഉച്ചക്ക് 3.30, വൈകിട്ട് 6.30 എന്നിങ്ങനെയാണ് ഡല്ഹിയില് നിന്ന് പുറപ്പെടുന്ന വിമാന സര്വീസുകളുടെ സമയക്രമം.
കൊച്ചി നെടുമ്പാശേരി വിമാനത്താവളത്തില് നിന്ന് തിരുവനന്തപുരത്തേക്കും കാസര്കോട്ടേക്കും ബസ് സര്വീസുണ്ടാകും. കൊച്ചിയില് എത്തുന്നവരെ സ്വീകരിക്കാന് വനിതകളടക്കമള്ള നോര്ക്ക ഉദ്യോഗസ്ഥ സംഘം 24 മണിക്കൂറും പ്രവര്ത്തിക്കുന്നുണ്ട്. കേരളത്തിലെ നാല് വിമാനത്താവളങ്ങളിലും നോര്ക്കയുടെ പ്രത്യേക ടീമുകള് പ്രവര്ത്തനനിരതമാണെന്നും മുഖ്യമന്ത്രി വ്യക്തമാക്കി.