വിവാദ തനിനിറവരകൾ (No:46)

On: February 25, 2022

ബേബി ജോൺ മന്ത്രിയായതിന്റെ പിറ്റേന്ന് ചെയ്ത പ്രഖ്യാപനം!…. വാർത്ത

ജി‌. ശേഖരന്‍ നായര്‍ : കാലത്തിനു മുമ്പേ കടന്നു പോയ കാർട്ടൂണുകൾ…

മന്ത്രി അയാൽ പോലീസിനെ ന്യായീകരിക്കണം. ബേബി ജോൺ അത്രെ ചെയ്തുള്ളു കനക സിംഹസനത്തിൽ ഇരിക്കുകയല്ലേ….!

Previous Post: ഏതു നിമിഷവും റഷ്യൻ സൈന്യം കീവ് പിടിച്ചടക്കിയേക്കും; ആയുധംവെച്ച് കീഴടങ്ങിയാൽ ചർച്ചയ്ക്ക് തയ്യാറാണെന്ന് റഷ്യ

Next Post: സംസ്ഥാനത്ത് ആർക്കും ആരെയും കൊല്ലാമെന്ന സ്ഥിതി; മുഖ്യമന്ത്രി ദുരഭിമാനം വെടിയണമെന്ന് വി ഡി സതീശൻ

പരിഷ്‌കരിച്ച ഡ്രൈവിങ് ടെസ്റ്റുമായി മുന്നോട്ടു പോകാൻ മോട്ടോർ വാഹന വകുപ്പ്; ഇന്ന് മുതൽ ടെസ്റ്റുകൾ നടത്തും

തിരുവനന്തപുരം: എതിർപ്പുകൾ വകവെയ്ക്കാതെ പരിഷ്‌കരിച്ച ഡ്രൈവിങ് ടെസ്റ്റുമായി മുന്നോട്ടു പോകാൻ മോട്ടോർ വാഹന വകുപ്പ്. ഇന്ന് മുതൽ ഡ്രൈവിങ് ടെസ്റ്റ് നടത്താനാണ് നിർദ്ദേശിച്ചിരിക്കുന്നത്. ടെസ്റ്റിന് തീയതി ലഭിച്ച അപേക്ഷകർ സ്വന്തം വാഹനവുമായി എത്തണമെന്നാണ് നിർദ്ദേശം. കെഎസ്ആർടിസിയുടെ സ്ഥലങ്ങൾ ഡ്രൈവിങ് ടെസ്റ്റിന് ഉപയോഗിക്കാനും തീരുമാനമുണ്ട്. പ്രതിഷേധം ഉണ്ടാകാനുള്ള സാധ്യത കൂടി മുന്നിൽ കണ്ട് പൊലീസ് സംരക്ഷണം ഉറപ്പാക്കാൻ ആർടിഒമാർക്ക് നിർദ്ദേശം നൽകിയിട്ടുണ്ട്. മോട്ടോർ വാഹന വകുപ്പ് ഉദ്യോഗസ്ഥരുടെ ഉന്നത തല യോഗത്തിലാണ് ഇതുസംബന്ധിച്ച തീരുമാനമെടുത്തത്. പരമാവധി 40 പേരെ മാത്രം പങ്കെടുപ്പിച്ച് മാത്രം ഡ്രൈവിങ് ടെസ്റ്റ് നടത്താനാണ് ഉദ്യോഗസ്ഥർക്ക് സർക്കാർ തലത്തിൽ നിന്ന് നൽകിയിരിക്കുന്ന നിർദ്ദേശം. ആദ്യം റോഡ് ടെസ്റ്റ്, പിന്നീട് ഗ്രൗണ്ട് ടെസ്റ്റ് എന്ന രീതി തുടരണമെന്നും പുതിയ ട്രാക്ക് തയാറാവുന്നത് വരെ എച്ച് ട്രാക്കിൽ ടെസ്റ്റ് നടത്തി ലൈസൻസ് അനുവദിക്കണമെന്നുമാണ് നിർദ്ദേശം. ഡ്രൈവിങ് ടെസ്റ്റ് കുറ്റമറ്റ നിലയിൽ നടത്തുന്നതിനായാണ് സർക്കാർ പരിഷ്‌കാരം നടപ്പാക്കുന്നത്. അത് തടസ്സപ്പെടുത്താനുള്ള ശ്രമത്തിൽ നിന്ന് ബന്ധപ്പെട്ടവർ പിന്മാറണം. ഹൈക്കോടതി ഉത്തരവിനെ മാനിക്കാൻ എല്ലാവരും തയ്യാറാകണമെന്നും ഗതാഗത വകുപ്പ് മന്ത്രി കെ. ബി. ഗണേശ് കുമാർ അഭ്യർത്ഥിച്ചു.
റിസർവ് ബാങ്ക് ഓഫ് ഇന്ത്യയുടെ പേരിൽ സാമ്പത്തിക തട്ടിപ്പുകൾ; മുന്നറിയിപ്പ്

തിരുവനന്തപുരം: റിസർവ് ബാങ്ക് ഓഫ് ഇന്ത്യയുടെ പേരിലുള്ള സാമ്പത്തിക തട്ടിപ്പുകൾ സൂക്ഷിക്കണമെന്ന് മുന്നറിയിപ്പ്. RBI യുടെ പേരിൽ വ്യാജ ഫണ്ട് റിലീസ് ഓഫറുകൾ / ഇമെയിലുകൾ പ്രചരിക്കുന്നതായി ശ്രദ്ധയിൽപ്പെട്ടതിനെ തുടർന്നാണ് അധികൃതര് ഇതുസംബന്ധിച്ച് മുന്നറിയിപ്പ് നൽകിയിരിക്കുന്നത്. പൊതുജനങ്ങൾക്കായി ആർബിഐ ഒരു വ്യക്തിഗത അക്കൗണ്ടും നൽകിയിട്ടില്ല. ഫണ്ടുകളുടെ വിതരണത്തെക്കുറിച്ച് അല്ലെങ്കിൽ ലോട്ടറി നേടിയതായി അറിയിച്ചുകൊണ്ട് ആശയവിനിമയം നടത്താൻ RBI നേരിട്ട് ഏതെങ്കിലും എസ്എംഎസ് അല്ലെങ്കിൽ കത്ത് അല്ലെങ്കിൽ ഇമെയിൽ അയയ്ക്കില്ലെന്ന് അധികൃതർ അറിയിച്ചു. https://rbi.org.in/ ആണ് RBI ഇന്ത്യയുടെ ഔദ്യോഗിക വെബ്സൈറ്റ്. വ്യാജ വെബ്സൈറ്റുകൾ വഴി തെറ്റിക്കപ്പെടാതെ ജാഗ്രത പാലിക്കണമെന്നും അധികൃതർ അഭ്യർത്ഥിച്ചു.
ചര്‍ച്ച വിജയം; എയർ ഇന്ത്യ എക്‌സ്പ്രസ് സമരം അവസാനിപ്പിക്കാൻ ധാരണയായി

ന്യൂഡൽഹി: എയർ ഇന്ത്യ എക്‌സ്പ്രസ് ജീവനക്കാരും മാനേജ്‌മെന്റും തമ്മിൽ നടന്ന ചർച്ച വിജയം. ഡൽഹി ലേബർ കമ്മീഷണറുടെ നേതൃത്വത്തിലാണ് ചർച്ച നടന്നത്. പിരിച്ചുവിട്ടവരെ തിരികെ എടുക്കണമെന്നായിരുന്നു ചർച്ചയിൽ യൂണിയൻ ഉന്നയിച്ച ആവശ്യം. ഈ ആവശ്യം മാനേജ്‌മെന്റ് അംഗീകരിച്ചു. തുടർന്നാണ് സമരം അവസാനിപ്പിക്കാനുള്ള ധാരണയിലേക്ക് എത്തിയത്. കമ്പനിയെ പ്രതിനിധികരിച്ച് ചർച്ചയിൽ പങ്കെടുത്തത് എയർ ഇന്ത്യ എക്‌സ് പ്രസിന്റെ എച്ച് ആർ മേധാവിയാണ്. ഡൽഹി ദ്വാരകയിലെ ലേബർ ഓഫീസിലാണ് ചർച്ച നടന്നത്. ഉച്ചയ്ക്ക് രണ്ടരയ്ക്കാണ് ചർച്ച ആരംഭിച്ചത്. സമരത്തിനു ശേഷം പിരിച്ചു വിട്ട 30 ജീവനക്കാരെ തിരികെ എടുക്കണമെന്ന ആവശ്യം ശക്തമാക്കിയുള്ള നിലപാടായിരുന്നു യൂണിയൻ സ്വീകരിച്ചത്. സിഇഒ യോഗത്തിൽ പങ്കെടുക്കാത്തതിന്റെ അതൃപ്തി യൂണിയൻ പ്രകടിപ്പിച്ചിരുന്നു. കഴിഞ്ഞ ദിവസം എയർ ഇന്ത്യ എക്‌സ്പ്രസ് എംപ്ലോയീസ് യൂണിയനിലുള്ള 300 ജീവനക്കാർ കൂട്ടമായി മെഡിക്കൽ അവധിയെടുത്തിരുന്നു. തുടർന്ന് പല വിമാന സർവ്വീസുകളും റദ്ദാക്കേണ്ടി വന്നു. ഇത് ആസൂത്രിതമാണെന്ന് ബോധ്യമായെന്നാണ് കമ്പനി അയച്ച പിരിച്ചുവിടൽ നോട്ടീസിൽ വ്യക്തമാക്കിയരുന്നത്.
റഫയിൽ അധിനിവേശം നടത്തിയാൽ ഇസ്രയേലിന് ആയുധങ്ങൾ നൽകില്ല; യുഎസ്

വാഷിങ്ടൺ: റഫയിൽ അധിനിവേശം നടത്തിയാൽ ഇസ്രയേലിന് ആയുധങ്ങൾ നൽകില്ലെന്ന് വ്യക്തമാക്കി യുഎസ് പ്രസിഡന്റ് ജോ ബൈഡൻ. ആഗോള തലത്തിൽ ഇസ്രയേൽ നടപടിക്കെതിരെ അമർഷം ശക്തമാകവേയാണ് റഫയിൽ അധിനിവേശം നടത്തുന്നതിൽ നിന്നും ഇസ്രയേലിനെ തടയുന്ന നീക്കവുമായി അമേരിക്ക രംഗത്തെത്തിയത്. താൻ കൃത്യമായി തന്നെ പറയുകയാണ്. ഇസ്രയേൽ റഫയിലേക്ക് പോയാൽ അവർക്ക് താൻ ആയുധങ്ങൾ നൽകില്ലെന്ന് അദ്ദേഹം പറഞ്ഞു. അവർ റഫയിലേക്ക് ഇതുവരെ പോയിട്ടില്ലെന്നും യു.എസ് പ്രസിഡന്റ് വിശദീകരിച്ചു. ഇസ്രയേൽ സുരക്ഷിതമാണെന്ന് ഉറപ്പുവരുത്തുമെന്നും ജോ ബൈഡൻ അഭിപ്രായപ്പെട്ടു. റഫയിലെ നിലവിലെ സാഹചര്യത്തിൽ ഇസ്രയേൽ കരയാക്രമണം തുടങ്ങിയെന്ന് പറയാനാവില്ല. ജനങ്ങൾ താമസിക്കുന്ന സ്ഥലങ്ങളിലേക്ക് അവർ പോയിട്ടില്ല. പക്ഷേ, നെതന്യാഹുവിനെയും ഇസ്രയേൽ കാബിനെറ്റിനേയും ഒരു കാര്യം ഓർമിപ്പിക്കാൻ ആഗ്രഹിക്കുകയാണ്. സാധാരണക്കാരായ ജനങ്ങൾ താമസിക്കുന്ന സ്ഥലങ്ങളിൽ ആക്രമണം നടത്തിയാൽ ഇസ്രയേലിന് യു എസ് പിന്തുണയുണ്ടാവില്ലെന്ന് അദ്ദേഹം ചൂണ്ടിക്കാട്ടി. ഇസ്രയേലിലേക്കുള്ള ആയുധവിതരണം യു.എസ് വൈകിപ്പിച്ചിരുന്നു. യു.എസ് പ്രതിരോധ സെക്രട്ടറി ലോയിഡ് ഓസ്റ്റിൻ ആയുധങ്ങൾ നൽകുന്നത് വൈകിപ്പിച്ച കാര്യം സ്ഥിരീകരിച്ചിരുന്നു. ആയിരക്കണക്കിന് ബോംബുകളാണ് യു.എസ് ഇസ്രയേലിന് നൽകാനിരുന്നത്. ഇതിന്റെ വിതരണമാണ് വൈകിപ്പിച്ചത്. ആയുധ വിതരണം വൈകിപ്പിച്ച യു.എസ് നടപടിയെ ദൗർഭാഗ്യകരമെന്നായിരുന്നു ഇസ്രയേൽ വിശേഷിപ്പിച്ചത്.
ബിജെപിയുമായി നേരിട്ട് ചേർന്ന് പ്രവർത്തിക്കുകയാണ്; ഉവൈസിക്കെതിരെ ആഞ്ഞടിച്ച് പ്രിയങ്കാ ഗാന്ധി

റായ്ബറേലി: ഓൾ ഇന്ത്യ മജ്ലിസെ ഇത്തിഹാദുൽ മുസ്ലിമീൻ അധ്യക്ഷൻ അസദുദ്ദീൻ ഉവൈസിക്കെതിരെ ആഞ്ഞടിച്ച് കോൺഗ്രസ് നേതാവ് പ്രിയങ്കാ ഗാന്ധി. ഉവൈസി ബിജെപിക്കൊപ്പം ചേർന്ന് പ്രവർത്തിക്കുകയാണെന്നായിരുന്നു പ്രിയങ്കാ ഗാന്ധിയുടെ വിമർശനം. ഇക്കാര്യം താൻ നിങ്ങളോട് പലപ്പോഴായി പറഞ്ഞതാണ്. അസദുദ്ദീൻ ഉവൈസി ബിജെപിയുമായി നേരിട്ട് ചേർന്ന് പ്രവർത്തിക്കുകയാണെന്ന് പ്രിയങ്ക കുറ്റപ്പെടുത്തി. എവിടെയെങ്കിലും ബിജെപിക്ക് മറ്റു പാർട്ടികൾക്ക് ദോഷകരമാകുന്ന രീതിയിൽ ആരെയെങ്കിലും രംഗത്തിറക്കണമെന്നുണ്ടെങ്കിൽ അവിടെയൊക്കെ ഉവൈസിയെത്തി അത് നിർവഹിച്ചുകൊടുക്കുകയാണ്. തെലങ്കാന തെരഞ്ഞെടുപ്പിൽ അത് വളരെ വ്യക്തമായിരുന്നുവെന്ന് പ്രിയങ്കാ ഗാന്ധി അറിയിച്ചു. ബിജെപി മതം, ജാതി, അമ്പലം-പള്ളി തുടങ്ങിയവയെക്കുറിച്ചാണ് സംസാരിക്കുന്നത്. രാജ്യത്തെ ജനങ്ങളെ ബാധിക്കുന്ന യഥാർഥ വിഷയങ്ങളെക്കുറിച്ച് അവർ ഒന്നും മിണ്ടുന്നില്ല. റായ്ബറേലിയിലെ ജനങ്ങളും കോൺഗ്രസുമായുള്ള ബന്ധത്തിന് 100 വർഷത്തിലേറെ പഴക്കമുണ്ട്. അതൊരു പുതുയുഗത്തിൽ പ്രവേശിക്കുകയാണിപ്പോൾ. ഒരിക്കൽകൂടി ആ നേതൃത്വത്തിന് ഒരുങ്ങിയിരിക്കുകയാണ് റായ്ബറേലി മണ്ഡലമെന്നും പ്രിയങ്ക കൂട്ടിച്ചേർത്തു.