അമിതവണ്ണം കുറയ്ക്കാൻ ചെയ്യേണ്ട പ്രധാനപ്പെട്ട കാര്യമാണ് രാത്രിഭക്ഷണം ലഘുവായി കഴിക്കുക എന്നത്. എന്നാൽ രാത്രി വൈകി കിടക്കുന്നവർക്ക് മിതമായ ഭക്ഷണം കഴിച്ചാലൊന്നും വിശപ്പിനെ തടഞ്ഞ് നിർത്താൻ കഴിയില്ല. രാത്രിയിലുണ്ടാകുന്ന വിശപ്പ് പലപ്പോഴും അനാരോഗ്യകരമായ സ്നാക്സ് കഴിക്കാൻ പ്രേരിപ്പിക്കും. രാത്രിയിലെ വിശപ്പിനെ തടഞ്ഞു നിർത്താൻ ബുദ്ധിമുട്ടുന്നവർക്ക് പരീക്ഷിച്ച് നോക്കാവുന്ന ആരോഗ്യകരമായ ചില പരീക്ഷണങ്ങൾ നോക്കാം.
- ഗ്രീക്ക് യോഗർട്ട്
രാത്രിയിലെ വിശപ്പിനെ തടഞ്ഞ് നിർത്താൻ സഹായിക്കുന്ന ഒന്നാണ് ഗ്രീക്ക് യോഗർട്ട്. ഉയർന്ന തോതിൽ പ്രോട്ടീനും കുറഞ്ഞ പഞ്ചസാരയുമുള്ള യോഗർട്ട് കഴിക്കുന്നതിലൂടെ വയർ നിറഞ്ഞതായ പ്രതീതി സൃഷ്ടിക്കപ്പെടും. ശരീരത്തിലെ കൊഴുപ്പിനെ കത്തിക്കാനും ഇത് കഴിക്കുന്നത് വളരെ നല്ലതാണ്.
- ബ്രഡും പീനട്ട് ബട്ടറും
ഉറക്കം വരാൻ സഹായിക്കുന്ന പ്രോട്ടീനാണ് പീനട്ട് ബട്ടറിൽ അടങ്ങിയിരിക്കുന്ന ട്രിപ്റ്റോഫാൻ. ബ്രഡും പീനട്ട് ബട്ടറും കഴിക്കുന്നതിലൂടെ കൊഴുപ്പിനെ ഇല്ലതാകും. പേശികളുടെ വളർച്ചയ്ക്കും ഇവ സഹായകമാണ്.
- കോട്ടേജ് ചീസ്
രാത്രി മുഴുവൻ വയർ നിറഞ്ഞ തോന്നലുണ്ടാക്കാനും പേശികളുടെ വളർച്ചയ്ക്കും മികച്ച ഭക്ഷണമാണ് കോട്ടേജ് ചീസ്. പ്രോട്ടീനുകളാലും സമ്പന്നമാണിവ.
- വാഴപ്പഴം
പീനട്ട് ബട്ടറിലുള്ളത് പോലെ ട്രിപ്റ്റോഫാൻ എന്ന ഘടകം വാഴപ്പഴത്തിലും അടങ്ങിയിട്ടുണ്ട്. ഉറക്കം വരാൻ വാഴപ്പഴം കഴിക്കുന്നത് നല്ലതാണ്. അമിതമായ വിശപ്പിനെ അടക്കാനും പഴം കഴിക്കുന്നത് പ്രയോജനപ്രദമാണ്.
- ബദാം
ഫൈബറും പ്രോട്ടീനും ബദാമിൽ ധാരാളം അടങ്ങിയിട്ടുണ്ട്. ഭാരം കുറയ്ക്കാൻ ബദാം സഹായിക്കും. ബോഡി മാസ് ഇൻഡെക്സ് നിലനിർത്താനും ബദാം മികച്ചതാണ്.
- ചെറിപ്പഴം
വിശപ്പ് വരുമ്പോൾ എന്തെങ്കിലും മധുരം കഴിക്കാനാണ് ശരീരം ഇഷ്ടപ്പെടുന്നത്. ഇത് അടക്കാൻ ഏറ്റവും മികച്ച ഭക്ഷണമാണ് ചെറിപ്പഴം. ഇതിൽ അടങ്ങിയിരിക്കുന്ന മെലട്ടോണിൻ ഉറക്കത്തെ നിയന്ത്രിക്കും.