ന്യൂഡല്ഹി: മുസ്ലിം മതത്തില് പെട്ട പെണ്കുട്ടികളെ മുഖ്യധാരയില് നിന്ന് മാറ്റിനിര്ത്താനുള്ള ഗൂഢാലോചനയാണ് ഹിജാബ് വിവാദത്തിന് പിന്നിലെന്ന് കേരള ഗവര്ണര് ആരിഫ് മുഹമ്മദ് ഖാന്.
‘ഇസ്ലാം മതവിശ്വാസം സംബന്ധിച്ച് ഹിജാബ് ഒഴിവാക്കാനാവാത്ത ആചാരമല്ല. വിദ്യാഭ്യാസ സ്ഥാപനങ്ങളിലെ നിയമങ്ങള് പാലിക്കപ്പെടണം. അത് വസ്ത്ര സ്വാതന്ത്ര്യം നിഷേധിക്കലല്ല. സിഖുകാരുടെ തലപ്പാവുമായി ഹിജാബ് താരതമ്യം ചെയ്യുന്നത് ശരിയല്ല’- ഗവര്ണര് പറഞ്ഞു.
ദൈവം അനുഗ്രഹിച്ചു നല്കിയ സൗന്ദര്യം മറച്ചു വെക്കാനുള്ളതല്ലെന്ന് ആദ്യ തലമുറയിലെ സ്ത്രീകള് വാദിച്ചിരുന്നതായയും, പ്രവാചകന്റെ കാലത്തെ സ്ത്രീകള് ഹിജാബ് അനാവശ്യമെന്ന് വിശ്വസിച്ചിരുന്നുതായും അദ്ദേഹം നേരത്തെ വ്യക്തമാക്കിയിരുന്നു.