പത്ത്, പന്ത്രണ്ട് ക്ലാസുകളിലെ സിബിഎസ്ഇ രണ്ടാം ടേം ബോർഡ് പരീക്ഷ ഏപ്രിൽ മാസം ആരംഭിക്കും

On: February 10, 2022

ന്യൂഡൽഹി: സി.ബി.എസ്.ഇ പത്ത്, പന്ത്രണ്ട് ക്ലാസുകളിലെ രണ്ടാം ടേം ബോർഡ് പരീക്ഷ ഏപ്രിൽ മാസം ആരംഭിക്കും. ഏപ്രിൽ 26 മുതലാണ് പരീക്ഷകൾക്ക് തുടക്കം കുറിക്കുക. ഓഫ്‌ലൈനായി നടക്കുന്ന പരീക്ഷയിൽ കോവിഡ് മാനദണ്ഡങ്ങൾ പാലിക്കണമെന്ന് സിബിഎസ്ഇ നിർദ്ദേശിച്ചു.

മുൻവർഷങ്ങളിലേതിന് സമാനമായി അനുവദിക്കുന്ന പരീക്ഷാ കേന്ദ്രങ്ങളിലാണ് വിദ്യാർഥികൾ പരീക്ഷ എഴുതാനായി എത്തേണ്ടത്. സി.ബി.എസ്.ഇ വെബ്സൈറ്റിൽ കൊടുത്തിരിക്കുന്ന സാമ്പിൾ ചോദ്യപേപ്പറുകളുടെ മാതൃകയിലായിരിക്കും പരീക്ഷാ ചോദ്യപേപ്പർ തയ്യാറാക്കുക.

ഉടൻ തന്നെ പരീക്ഷാ ടൈംടേബിൾ പ്രസിദ്ധീകരിക്കുമെന്നും വെബ്സൈറ്റിൽ ലഭ്യമാക്കുമെന്നും സി.ബി.എസ്.ഇ വ്യക്തമാക്കി.

Previous Post: സ്വന്തം അനുഭവം പുസ്തകത്തിൽ പങ്കുവയ്ക്കുന്നതിൽ തെറ്റുകാണാനാവില്ല; എം ശിവശങ്കറിനെ ന്യായീകരിച്ച് മുഖ്യമന്ത്രി

Next Post: വ്യാജ പീഡന പരാതി കേസ്; സ്വപ്‌ന സുരേഷിനെതിരെ കുറ്റപത്രം സമര്‍പ്പിച്ച് ക്രൈംബ്രാഞ്ച്‌

സംസ്ഥാന സ്‌കൂൾ പ്രവേശനോത്സവം ജൂൺ 3 ന്; ഉദ്ഘാടനം മുഖ്യമന്ത്രി നിർവ്വഹിക്കും

തിരുവനന്തപുരം: സംസ്ഥാന സ്‌കൂൾ പ്രവേശനോത്സവം ജൂൺ 3 ന്. രാവിലെ 9.30 ന് എറണാകുളം എളമക്കര ഗവൺമെന്റ് ഹയർ സെക്കണ്ടറി സ്‌കൂളിൽ പ്രവേശനോത്സവത്തിന്റെ സംസ്ഥാനതല ഉദ്ഘാടനം മുഖ്യമന്ത്രി പിണറായി വിജയൻ നിർവ്വഹിക്കും. അന്നേ ദിവസം സംസ്ഥാനത്തെ എല്ലാ സ്‌കൂളുകളിലും പ്രാദേശികാടിസ്ഥാനത്തിൽ പ്രവേശനോത്സവം നടക്കും. സ്‌കൂൾ പ്രവേശനവുമായി ബന്ധപ്പെട്ട് പൊതുവായ ഒരു മാർഗ്ഗനിർദ്ദേശം പൊതുവിദ്യാഭ്യാസ ഡയറക്ടർ എല്ലാ വിദ്യാഭ്യാസ ഓഫീസർമാർക്കും നൽകിയിട്ടുണ്ടെന്ന് വിദ്യാഭ്യാസ മന്ത്രി വി ശിവൻകുട്ടി അറിയിച്ചു. അത് അനുസരിച്ചുള്ള പ്രവർത്തനങ്ങൾ നടന്നു വരികയാണ്. സ്‌കൂൾ തുറക്കുന്നതിന് മുന്നോടിയായി സമ്പൂർണ്ണ ശുചീകരണം ഉൾപ്പെടെയുള്ള കാര്യങ്ങൾ ചെയ്യേണ്ടതുണ്ട്. സ്‌കൂൾ പരിസരം, ക്ലാസ് മുറികൾ, ടോയ്ലറ്റ്, കുട്ടികൾ ഉപയോഗിക്കുന്ന മറ്റു പൊതുവായ സ്ഥലങ്ങൾ എന്നിവയെല്ലാം വൃത്തിയാക്കണമെന്ന് അദ്ദേഹം നിർദ്ദേശിച്ചു. മഴക്കാല പൂർവ്വ ശുചീകരണ പ്രവർത്തനങ്ങളും നടത്തേണ്ടതുണ്ട്. സ്‌കൂളുകൾ തുടർച്ചയായി അടഞ്ഞു കിടക്കുന്നതിനാൽ ഇഴജന്തുക്കൾ കയറിയിരിക്കാനുള്ള സാദ്ധ്യത കൂടുതലാണ്. ഇത്തരം ഇടങ്ങൾ സൂക്ഷ്മമായി പരിശോധിച്ച് അവയുടെ സാന്നിദ്ധ്യം ഇല്ലെന്ന് ഉറപ്പു വരുത്തണമെന്നും മന്ത്രി നിർദ്ദേശിച്ചു. മെയ് 25 ന് സംസ്ഥാനത്തെ സ്‌കൂളുകളിൽ ശുചീകരണ ദിനം ആചരിക്കുമെന്നും അദ്ദേഹം കൂട്ടിച്ചേർത്തു.
സ്വർണം കൊണ്ട് നിർമ്മിച്ച വസ്ത്രങ്ങൾ; രാമായണത്തിന്റെ പുതിയ അപ്ഡേറ്റ് അറിയാം

രൺബീർ കപൂറും യഷും പ്രധാന വേഷത്തിലെത്തുന്ന ചിത്രം രാമായണത്തിന്റെ പ്രധാന അപ്‌ഡേറ്റ് പുറത്ത്. ചിത്രത്തിൽ രാമനായി യഷും രാവണനായി രൺബീറുമാണ് എത്തുന്നത്. ചിത്രത്തിൽ യഷിനായി വസ്ത്രങ്ങൾ നിർമ്മിച്ചിരിക്കുന്നത് സ്വർണം കൊണ്ടാണെന്നാണ് ഇപ്പോൾ പുറത്തുവരുന്ന റിപ്പോർട്ടുകൾ. യഷിനായി നിർമ്മിച്ചിരിക്കുന്നത് സ്വർണം കൊണ്ടുള്ള വസ്ത്രങ്ങളാണ്. രാവണൻ ലങ്കയുടെ രാജാവായിരുന്നതിനാലും അക്കാലത്ത് അവിടം സുവർണ നഗരമായിരുന്നതു കൊണ്ടുമാണ് സ്വർണം തന്നെ ഉപയോഗിക്കാമെന്ന് തീരുമാനിച്ചതെന്ന് ദേശീയ മാദ്ധ്യമങ്ങൾ റിപ്പോർട്ട് ചെയ്യുന്നു. ചിത്രത്തിൽ യഷ് ഉപയോഗിക്കുന്നതെല്ലാം സ്വർണത്തിലാണ് നിർമ്മിച്ചിരിക്കുന്നതെന്നും ചിത്രത്തോടനുബന്ധിച്ച വൃത്തങ്ങൾ വിശദമാക്കുന്നു. ഇന്ത്യയിൽ ഇതുവരെ നിർമ്മിക്കുന്നതിൽ വച്ച് ഏറ്റവും ചെലവേറിയ ചിത്രമാണ് രാമായണമെന്ന് റിപ്പോർട്ട്. 100 മില്യൺ യുഎസ് ഡോളറാണ് ചിത്രത്തിന്റെ ബജറ്റെന്നാണ് ദേശീയ മാദ്ധ്യമങ്ങൾ റിപ്പോർട്ട് ചെയ്യുന്നത്. അതായത് ഏകദേശം 835 കോടി രൂപ. നിതീഷ് തിവാരിയാണ് ചിത്രത്തിന്റെ സംവിധാനം നിർവ്വഹിച്ചിരിക്കുന്നത്. ചിത്രത്തിൽ സീതയായി എത്തുന്നത് സായ് പല്ലവിയാണ്. രാമായണം പരമ്പരയിൽ രാമനായി അഭിനയിച്ച അരുൺ ഗോവിലാണ് ചിത്രത്തിൽ ദശരഥനായെത്തുന്നത്. ബോബി ഡിയോളാണ് കുംഭകർണനായി എത്തുന്നത്. ലാറ ദത്ത കൈകേയിയായി വേഷമിടുന്നുണ്ട്.
ഡൽഹിയിലെ ബിജെപി ദേശീയ ആസ്ഥാനത്തേക്ക് പ്രതിഷേധ മാർച്ചുമായി ആം ആദ്മി

ന്യൂഡൽഹി: ഡൽഹിയിലെ ബിജെപി ദേശീയ ആസ്ഥാനത്തേക്ക് പ്രതിഷേധ മാർച്ചുമായി ആം ആദ്മി പാർട്ടി. പാർട്ടി ദേശീയ കൺവീനറും ഡൽഹി മുഖ്യമന്ത്രിയുമായ അരവിന്ദ് കെജ്രിവാളിന്റെ നേതൃത്വത്തിലാണ് മാർച്ച് നടന്നത്. ആം ആദ്മി പാർട്ടിയെ തകർക്കാനുള്ള ‘ഓപ്പറേഷൻ ഝാഡൂ’വിന്റെ ഭാഗമായാണ് നേതാക്കളെ അറസ്റ്റ് ചെയ്യുന്നതെന്ന് അരവിന്ദ് കെജ്രിവാൾ വ്യക്തമാക്കി. ഒരു കെജ്രിവാളിനെ അറസ്റ്റ് ചെയ്താൽ ആയിരം കെജ്രിവാൾ ജനിക്കുമെന്നും അദ്ദേഹം വ്യക്തമാക്കി. അതേസമയം ആം ആദ്മി പാർട്ടിയുടെ മാർച്ചിനോടനുബന്ധിച്ച് ഡൽഹിയിൽ കനത്ത സുരക്ഷയാണ് ഒരുക്കിയിരിക്കുന്നത്. മാർച്ചിന് മുന്നോടിയായി ഡൽഹിയിൽ കർഫ്യൂ പ്രഖ്യാപിക്കുകയും ചെയ്തിരുന്നു. ഐടിഒയിലെ മെട്രോ സ്റ്റേഷനുകളും ഇനിയൊരു അറിയിപ്പുണ്ടാകുന്നതുവരെ അടച്ചു. കേന്ദ്രസേനയെ ഉൾപ്പെടെ സുരക്ഷയ്ക്കായി വിന്യസിച്ചു.
ജമ്മു കശ്മീരിലെ സുരക്ഷാ സേനയ്ക്ക് ഇനി ആർട്ടിഫിഷ്യൽ ഇന്റലിജൻസിന്റെ സഹായവും

ന്യൂഡൽഹി: ജമ്മു കശ്മീരിലെ സുരക്ഷാ സേനയ്ക്ക് ഇനി ആർട്ടിഫിഷ്യൽ ഇന്റലിജൻസിന്റെ സഹായവും ലഭിക്കും. ഭീകരവാദത്തെയും ദേശവിരുദ്ധ ഘടകങ്ങളെയും പ്രതിരോധിക്കാനാണ് സുരക്ഷാ സേനയ്ക്ക് ആർട്ടിഫിഷ്യൽ ഇന്റലിജൻസിന്റെ സഹായം ലഭിക്കുന്നത്. ഭീകരർ, ഭീകരവാദത്തിന് പിന്തുണ നൽകുന്നവർ എന്നിവരെ കണ്ടെത്താൻ ഇനി സേനയ്ക്ക് ആർട്ടിഫിഷ്യൽ ഇന്റലിജൻസിന്റെ സഹായം ലഭിക്കും. ആദ്യമായി ആർട്ടിഫിഷ്യൽ ഇന്റലിജൻസ് അടിസ്ഥാനമാക്കിയുള്ള തിരിച്ചറിയൽ സംവിധാനം അവതരിപ്പിച്ചത് കശ്മീർ താഴ്വരയുടെ പ്രധാന പ്രവേശന കവാടമായ നവ്യൂഗ് ടണൽ ഖാസിഗണ്ടിലാണ്. സ്മാർട്ട് പോലീസിന്റെ ഭാഗമായാണ് പുതിയ സംവിധാനം ഒരുക്കിയിരിക്കുന്നത്. ക്രിമിനൽ പ്രവർത്തനങ്ങളിൽ ഏർപ്പെട്ടിരിക്കുന്ന വ്യക്തികളെ തിരിച്ചറിയാനും പിടികൂടാനും ഈ സംവിധാനം വലിയ സഹായകമാകുമെന്നാണ് വിലയിരുത്തപ്പെടുന്നത്. ദേശവിരുദ്ധ പ്രവർത്തനങ്ങളിൽ ഏർപ്പെട്ടിരിക്കുന്ന വ്യക്തികളുടെ നീക്കങ്ങൾ ട്രാക്ക് ചെയ്യാൻ ഇതു വഴി കഴിയും. വിവിധ പ്രവർത്തനങ്ങളിൽ ഏർപ്പെട്ടിരിക്കുന്ന വ്യക്തികളുടെ ഫോട്ടോഗ്രാഫുകൾ തങ്ങളുടെ പക്കലുണ്ടെങ്കിൽ, അവരെ തിരിച്ചറിയാൻ ഈ സാങ്കേതികവിദ്യ നമ്മെ സഹായിക്കുന്നു. ഒളിച്ചോടിയവരെ പിടികൂടാനും ഇത് സഹായകമാകുമെന്ന് അധികൃതർ വ്യക്തമാക്കി.
ലൈസൻസ് പരിഷ്‌കരണം; സമരത്തിന് ഡ്രൈവിംഗ് സ്‌കൂളുകാരെ ഇളക്കിവിട്ട ഉദ്യോഗസ്ഥർക്കെതിരെ നടപടിയുണ്ടാകുമെന്ന് കെ ബി ഗണേശ് കുമാർ

കൊല്ലം: സംസ്ഥാനത്ത് നടപ്പിലാക്കിയ ലൈസൻസ് പരിഷ്‌കരണത്തിനെതിരെ സമരം നടത്താൻ ഡ്രൈവിംഗ് സ്‌കൂളുകാരെ ഇളക്കിവിട്ട ഉദ്യോഗസ്ഥർക്കെതിരെ കർശന നടപടി സ്വീകരിക്കുമെന്ന് മുന്നറിയിപ്പ് നൽകി ഗതാഗത വകുപ്പ് മന്ത്രി കെ ബി ഗണേശ് കുമാർ. നല്ല ലൈസൻസ് സംവിധാനം കേരളത്തിൽ വേണമെന്നും അദ്ദേഹം വ്യക്തമാക്കി. ഉദ്യോഗസ്ഥരുടെ വിവരങ്ങൾ പട്ടികയിലുണ്ടെന്നും അവരെ വേറെ കാര്യം പറഞ്ഞ് പിടിക്കും. വണ്ടി ഓടിക്കാനറിയുന്നവർ വാഹനമോടിച്ച് റോഡിലിറങ്ങിയാൽ മതി. തന്റെ നിലപാടിനൊപ്പം നിന്ന പൊതുജനങ്ങളുണ്ട്. ഡ്രൈവിംഗ് സ്‌കൂളുകാരെ സമരം ചെയ്യാനായി ഇളക്കിവിട്ട എല്ലാ ഉദ്യോഗസ്ഥരെയും കൈകാര്യം ചെയ്യും. ഉദ്യോഗസ്ഥരുടെ പട്ടികയുണ്ട്. ആളുകളെ എണ്ണിവച്ചിട്ടുണ്ട്. അവരെ വേറെ കാര്യം പറഞ്ഞ് പിടിക്കും.അവസാനം ഡ്രൈവിംഗ് ടെസ്റ്റിനെതിരെ സമരം നടത്തിയ സ്‌കൂൾ ഉടമകൾ മന്ത്രി പറയുന്നതാണ് ശരിയെന്ന നിലയിലേക്കെത്തി. സമരക്കാരോട് ചർച്ച ചെയ്ത് സമവായത്തിലെത്തി. ഒരേസമയം കൂടുതൽ ഡ്രൈവിംഗ് ലൈസൻസ് പാസാക്കുന്നവരെ സ്‌ക്വാഡ് പരിശോധിക്കും. പത്ത് ലക്ഷം ലൈസൻസ് കെട്ടിക്കിടക്കുന്നുവെന്നത് ശരിയല്ല. രണ്ടുലക്ഷത്തി ഇരുപത്തിയാറായിരം ലൈസൻസ് മാത്രമാണ് ഇനി നൽകാനുള്ളതെന്നും അദ്ദേഹം വിശദമാക്കി. റേഷൻ കാർഡ് പോലെ ലൈസൻസ് വാരിക്കൊടുക്കാൻ കഴിയില്ല. ഒറ്റ ദിവസം 126 ലൈസൻസും ഫിറ്റ്നെസും ടെസ്റ്റ് ചെയ്ത ഉദ്യോഗസ്ഥർ മോട്ടോർ വാഹന വകുപ്പിലുണ്ട്. ഇത് വകുപ്പിന് നാണക്കേടാണ്. ഡ്രൈവിംഗ് പരിശീലനം കൂടാതെ കൈതെളിയാൻ സ്‌കൂളുകാർ അധിക തുക വാങ്ങുകയാണ്. ഇത് അംഗീകരിക്കാൻ കഴിയില്ല. കൈതെളിയാതെ വരുന്നവർക്ക് ലൈസൻസ് കൊടുക്കുന്ന ഉദ്യോഗസ്ഥരെ കൊണ്ട് കൈതെളിയും വരെ എഴുതിക്കും. എല്ലാത്തിനും മുകളിൽ ക്യാമറ പോലെ തന്റെ കണ്ണുകൾ ഉണ്ടാകും. വെറുതെ പിടിക്കപ്പെട്ട് നടപടി വാങ്ങരുതെന്നും കെ ബി ഗണേഷ് കുമാർ കൂട്ടിച്ചേർത്തു.