ലഖ്നൗ: യുപി നിയമസഭാ തിരഞ്ഞെടുപ്പ് പ്രകടന പത്രിക ബിജെപി പുറത്തിറക്കി. ലഖ്നൗവില് നടന്ന ചടങ്ങില് കേന്ദ്ര ആഭ്യന്തരമന്ത്രി അമിത് ഷാ, യു.പി. മുഖ്യമന്ത്രി യോഗി ആദിത്യനാഥ് തുടങ്ങിയവരുടെ സാന്നിധ്യത്തിലാണ് പ്രകടന പത്രിക പുറത്തിറക്കിയത്.
കര്ഷകര്ക്ക് ജലസേചന ആവശ്യങ്ങള്ക്ക് സൗജന്യ വൈദ്യുതി, ഒരോ കുടുംബത്തിലെയും ചുരുങ്ങിയത് ഒരാള്ക്ക് ജോലി, ഹോളിക്കും ദീപാവലിക്കും സത്രീകള്ക്ക് ഓരോ സൗജന്യ ഗ്യാസ് സിലിണ്ടര്, അറുപതു വയസ്സു കഴിഞ്ഞ സ്ത്രീകള്ക്ക് പൊതുഗതാഗത സംവിധാനങ്ങളില് സൗജന്യയാത്ര, കോളേജ് വിദ്യാര്ഥിനികള്ക്ക് സൗജന്യ ഇരുചക്ര വാഹനം തുടങ്ങിയ വമ്പന് വാഗ്ദാനങ്ങളാണ് പ്രകടന പത്രികയില് ഉള്പ്പെടുത്തിയിട്ടുള്ളത്. സംസ്ഥാനത്തെ പ്രതിശീര്ഷ വരുമാനം ഇരട്ടിയാക്കും, പത്തുലക്ഷം കോടി രൂപയുടെ നിക്ഷേപം ആകര്ഷിക്കും, വിധവാ പെന്ഷന് 800-ല്നിന്ന് 1,500 രൂപയായി ഉയര്ത്തും തുടങ്ങിയ വാഗ്ദാനങ്ങളും പ്രകടന പത്രികയിലുണ്ട്.
ഫെബ്രുവരി ആറിന് പ്രകടന പത്രിക പുറത്തിറക്കാനായിരുന്നു നേരത്തെ തീരുമാനിച്ചിരുന്നത്. എന്നാല്, ഗായിക ലതാ മങ്കേഷ്കറുടെ മരണത്തിന്റെ പശ്ചാത്തലത്തില് മാറ്റിവെക്കുകയായിരുന്നു.